انگلینڈ کے خلاف تیسرے ونڈے میچ کے لئے ہندوستانی اسکواڈ میں تبدیلی ہوئی ہے۔ بی سی سی آئی نے اعلان کرکے بتایا کہ تیسرے ونڈے کے لئے زخمی واشنگٹن سندرکی جگہ ہرش دوبے کو ٹیم انڈیا میں شامل کیا گیا ہے۔ سندرکودوسرے ونڈے میچ کے دوران چوٹ آئی تھی، جس کے بعد انہیں سیریزسے باہرہونا پڑا تھا۔ حالانکہ واشنگٹن سندرکی چوٹ کتنی سنگین ہے، اس پر کوئی وضاحت نہیں کی گئی ہے۔ ہرش دوبے بائیں ہاتھ سے آف اسپن گیند بازی کرتے ہیں اوراسی سال افغانستان کے خلاف ونڈے میچ میں اپنا انٹرنیشنل ڈیبیوکیا تھا۔ انہوں نے اب تک 2 ونڈے میچوں میں 4 وکٹ حاصل کئے ہیں۔
تاریخ رقم کرنے کوتیارہے ہندوستان
ہندوستانی ٹیم جب 19 جولائی کولارڈس میدان پراترے گی تو22 سال سے چلے آرہے ہارکے قحط کا خاتمہ کرنا چاہے گی۔ دراصل، ہندوستانی ٹیم کوونڈے میں لارڈس میدان پرآخری جیت سال 2004 میں ملی تھی۔ اس مقابلے میں روہت شرما سے اچھی اننگ کی امید ہوگی، جوگزشتہ 8 ونڈے اننگوں میں صرف ایک نصف سنچری لگاپائے ہیں۔
🚨 News 🚨
Harsh Dubey added to #TeamIndia‘s ODI squad as a replacement for injured Washington Sundar.
More Details 🔽 | #ENGvINDhttps://t.co/Y6LgzTJAyS
— BCCI (@BCCI) July 18, 2026
دوسری طرف، وراٹ کوہلی ونڈے میں انگلینڈ کے خلاف سب سے زیادہ 50 سے زیادہ اسکورکے ورلڈ ریکارڈ کی برابری کرنے سے صرف ایک نصف سنچری دورہیں۔ وراٹ کوہلی نے اب تک ونڈے میں انگلینڈ کے خلاف 14 بارپچاس یا اس سے زیادہ اسکورکیا ہے، جبکہ کمارسنگاکارا نے 15 بارایسا کیا تھا۔
ٹیم انڈیا کا اپڈیٹیڈ اسکواڈ: شبھمن گل (کپتان)، روہت شرما، وراٹ کوہلی، شرے یس ایئر(نائب کپتان)، کے ایل راہل (وکٹ کیپر)، ایشان کشن (وکٹ کیپر)، اکشرپٹیل، شیوم دوبے، کلدیپ یادو، جسپریت بمراہ، پرسدھ کرشنا، ارش دیپ سنگھ، گرنوربراڑ، پرنس یادو، ہرش یادو۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
