Adani & Jabil Strategic Alliance: اڈانی انٹرپرائزز اور جبیل کا بھارت میں اے آئی ڈیٹا سینٹر انفراسٹرکچر پلیٹ فارم قائم کرنے کا ہدف

اڈانی گروپ اور جبیل نے بھارت میں عالمی معیار کے، عمودی طور پر مربوط (Vertically Integrated) اے آئی اور ڈیٹا سینٹر انفراسٹرکچر مینوفیکچرنگ پلیٹ فارم کے قیام کے لیے ایک اسٹریٹجک اتحاد قائم کرنے کے ارادے کا اعلان کیا ہے۔ اس شراکت داری کے تحت جبیل کی جدید انجینئرنگ، سپلائی چین اور مینوفیکچرنگ مہارت کو اڈانی گروپ کے وسیع انفراسٹرکچر نیٹ ورک، گرین انرجی پورٹ فولیو، لاجسٹکس صلاحیت اور تیزی سے بڑھتے ہوئے ڈیٹا سینٹر کاروبار کے ساتھ جوڑا جائے گا، تاکہ دنیا بھر میں اے آئی سے لیس ڈیٹا سینٹر ہارڈویئر کی بڑھتی ہوئی طلب پوری کی جا سکے۔ اس منصوبے کے تحت بھارت میں کثیر گیگا واٹ صلاحیت کے حامل ہائی ڈینسٹی اے آئی ریکس تیار کیے جائیں گے۔ ان میں جدید لیکوئڈ کولڈ اے آئی ریکس، سرورز، اسٹوریج اور نیٹ ورکنگ سسٹمز شامل ہوں گے۔ یہ سہولت عالمی ہائپر اسکیلرز، کولکیشن مراکز اور انٹرپرائز ڈیٹا سینٹرز کی ضروریات پوری کرے گی۔

3 ٹریلین امریکی ڈالر کی عالمی مارکیٹ

صرف کمپیوٹنگ ریکس ہی نہیں بلکہ پاور ڈسٹری بیوشن یونٹس (PDUs)، کولنٹ ڈسٹری بیوشن یونٹس (CDUs)، ٹرانسفارمرز، سوئچ گیئرز، بس بارز اور جدید تھرمل مینجمنٹ سسٹمز بھی تیار کیے جائیں گے۔ اس کے ذریعے ڈیٹا سینٹر ڈویلپرز کو ’’ڈیزائن سے لے کر تعیناتی‘‘ تک ایک جامع حل فراہم کیا جائے گا۔ دونوں کمپنیاں ایسے شعبے میں سرمایہ کاری کر رہی ہیں جس کی عالمی مارکیٹ آئندہ سات برسوں میں 3 ٹریلین امریکی ڈالر سے زیادہ ہونے کا اندازہ ہے۔ اس وقت آپریشنل فریم ورک اور حتمی دستاویزات پر کام جاری ہے۔

بھارت کے لیے اسٹریٹجک اہمیت

بھارت کی ڈیٹا سینٹر مارکیٹ تیزی سے ترقی کر رہی ہے اور اندازہ ہے کہ 2030 تک اس کی صلاحیت 5 سے 8 گیگا واٹ تک پہنچ جائے گی۔ مصنوعی ذہانت، کلاؤڈ سروسز اور ڈیٹا لوکلائزیشن کی بڑھتی ہوئی ضرورت اس توسیع کی بنیادی وجوہات ہیں۔ عالمی ٹیکنالوجی کمپنیاں بھارت کے ڈیجیٹل انفراسٹرکچر میں 50 ارب امریکی ڈالر سے زائد کی سرمایہ کاری کا منصوبہ رکھتی ہیں۔ اس کے علاوہ ڈیجیٹل پرسنل ڈیٹا پروٹیکشن ایکٹ اور مرکزی بجٹ 2026 میں ڈیٹا سینٹرز کے لیے 2047 تک ٹیکس چھوٹ نے بھارت کو عالمی مینوفیکچرنگ مرکز بنانے کی راہ مزید ہموار کی ہے۔

اڈانی گروپ اور جبیل کا بڑا منصوبہ

اڈانی گروپ 2035 تک گرین انرجی سے چلنے والے 5 گیگا واٹ اے آئی ریڈی ہائپر اسکیل ڈیٹا سینٹرز تیار کرنے کے لیے 100 ارب امریکی ڈالر کی سرمایہ کاری کے منصوبے پر عمل کر رہا ہے۔ اس منصوبے سے متعلق اڈانی گروپ کے چیئرمین گوتم اڈانی نے کہا: ’’دنیا ایک ایسی انٹیلی جنس انقلاب کے دور میں داخل ہو رہی ہے جو سابقہ صنعتی انقلابات سے بھی زیادہ گہرا ہے۔ جو ممالک توانائی اور کمپیوٹنگ کے درمیان توازن قائم کریں گے، وہ آنے والی دہائی کی قیادت کریں گے۔ بھارت اس میدان میں قیادت کے لیے منفرد پوزیشن میں ہے۔‘‘ جبیل کے سی ای او، مائک دستور نے اپنے بیان میں کہا کہ ’’اڈانی گروپ کے ساتھ یہ شراکت داری ہمیں اے آئی ایکو سسٹم میں صارفین کے لیے مزید مؤثر اور قابلِ توسیع حل فراہم کرنے میں مدد دے گی۔ بھارت دنیا کی تیزی سے ابھرتی ہوئی اے آئی منڈیوں میں شامل ہے اور یہاں کی ہنرمند افرادی قوت اس تعاون کو نئی بلندیوں تک پہنچا سکتی ہے۔‘‘

’میک اِن انڈیا‘ کے لیے سنگِ میل

کمپنیوں کے مطابق یہ اتحاد ’’میک اِن انڈیا‘‘ کے اگلے مرحلے کی نمائندگی کرتا ہے، جس کے ذریعے بھارت محض ڈیجیٹل انفراسٹرکچر درآمد کرنے والا ملک نہیں بلکہ اے آئی ہارڈویئر کا عالمی مینوفیکچرنگ اور برآمدی مرکز بننے کی سمت میں آگے بڑھے گا۔ اس منصوبے سے ہزاروں اعلیٰ مہارت رکھنے والی انجینئرنگ ملازمتیں پیدا ہونے اور عالمی سپلائی چین کو مضبوط بنانے کی توقع ہے۔

بھارت ایکسپریس اردو۔