ممبئی: بالی ووڈ کے کھلاڑی اکشے کمار کی مداحوں کی تعداد بہت زیادہ ہے۔ ان کی مقبولیت کی وجہ سے کئی مشہور شخصیات ان کے ساتھ کام کرنے کا خواب دیکھتی ہیں۔ اب ایک مشہور بھوجپوری اداکارہ نے اکشے کے ساتھ کام کرنے کی خواہش ظاہر کی ہے۔ دراصل یہ اداکارہ کوئی اور نہیں بلکہ بھوجپوری سنیما کی مقبول اداکارہ اکشرا سنگھ ہیں۔ اداکارہ نے جمعہ کو سوشل میڈیا کے ذریعے اداکار کے ساتھ کام کرنے کی خواہش کا اظہار کیا۔
سوشل میڈیا پر ویڈیو شیئر کر کی درخواست
اکشرا سنگھ نے جمعہ کے روز انسٹاگرام پر ایک ویڈیو پوسٹ کی، جس میں وہ صوفے پر بیٹھ کر اکشے کمار کا مشہور گانا ’ٹپ ٹپ برسا پانی‘ اپنے ٹیب پر دیکھتی نظر آ رہی ہیں۔ کچھ دیر بعد وہ ویڈیو میں کہتی ہیں، “پرنام اکشے جی، میرا نام اکشرا سنگھ ہے اور ہم بھوجپوری سنیما میں کام کرتے ہیں۔ کافی دنوں سے ہم آپ کے ہندی گانے دیکھ رہے ہیں۔ آپ نے ہندی گانوں میں بہت ٹھمکے لگا لیے، اب ذرا بھوجپوری میں بھی آئیے اور ہمارے ساتھ گانے میں اپنا جلوہ دکھائیے۔ وقت اور دن آپ بتائیے، ہم چلے آئیں گے۔”
View this post on Instagram
پوسٹ سوشل میڈیا پر وائرل
ویڈیو شیئر کرتے ہوئے اکشرا سنگھ نے کیپشن میں لکھا، “بھوجپوری گانے پے ٹھمکا لگاوے کے ایگو چانس دے دی کا؟ اکشے کمار کے؟” اداکارہ کی اس پوسٹ کو سوشل میڈیا پر کافی پسند کیا جا رہا ہے۔ انٹرٹینمنٹ انڈسٹری سے وابستہ شخصیات اور کئی کانٹینٹ کریئیٹرز بھی اس پر اپنے ردعمل دے رہے ہیں۔ حالانکہ، ابھی تک اکشے کمار کی جانب سے اس پر کوئی ردعمل سامنے نہیں آیا ہے۔
بھوجپوری سنیما کی بڑی اسٹار ہیں اکشرا
اکشرا سنگھ بھوجپوری فلم انڈسٹری کا ایک بڑا نام سمجھی جاتی ہیں۔ انہیں انڈسٹری کی ’لیڈی راک اسٹار‘ اور ’بہار کی شیرنی‘ بھی کہا جاتا ہے۔ وہ ان اداکاراؤں میں شمار کی جاتی ہیں جو ہر مسئلے پر بےباکی سے اپنی رائے پیش کرتی ہیں۔
گلوکاری میں بھی کامیاب
اکشرا سنگھ نہ صرف اداکاری بلکہ گلوکاری کے میدان میں بھی کافی مقبول ہیں۔ ان کے گانے مسلسل ریلیز ہوتے رہتے ہیں۔ حال ہی میں ان کا نیا گانا ’چما لے لا راجا جی‘ ریلیز ہوا تھا، جسے شائقین کی جانب سے اچھا ردعمل ملا۔ اب دیکھنا یہ ہوگا کہ اکشے کمار اس دعوت پر کیا ردعمل دیتے ہیں اور وہ واقعی کسی بھوجپوری پروجیکٹ میں اکشرا سنگھ کے ساتھ نظر آئیں گے یا نہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
