مغربی بنگال اسمبلی انتخابات میں زبردست کامیابی حاصل کرنے کے بعد بھارتیہ جنتا پارٹی (بی جے پی) نے ریاست کی نئی قیادت کا باضابطہ اعلان کر دیا ہے۔ بی جے پی لیجسلیچر پارٹی کی میٹنگ میں سویندو ادھیکاری کے نام پر مہر لگا دی گئی، جس کے بعد وہ مغربی بنگال کے نئے اور بی جے پی کے پہلے وزیر اعلیٰ بننے جا رہے ہیں۔ پارٹی نے اگنی مترا پال اور نسیتھ پرمانک کو نائب وزیر اعلیٰ مقرر کرنے کا بھی اعلان کیا ہے۔ نئی حکومت کی حلف برداری ہفتہ کو کولکاتا کے بریگیڈ پریڈ گراؤنڈ میں ہوگی۔ پارٹی ذرائع کے مطابق بی جے پی کے مرکزی آبزرور اور اعلیٰ قیادت کی موجودگی میں منعقدہ میٹنگ میں یہ فیصلہ اتفاق رائے سے کیا گیا۔ اجلاس میں مرکزی وزیر داخلہ امت شاہ، سنیل بنسل، امت مالویہ، بپلَب دیب، اگنی مترا پال، نسیتھ پرمانک اور شنکر گھوش سمیت کئی سینئر لیڈر شریک ہوئے۔
#WATCH | Kolkata | Suvendu Adhikari elected as the Leader of West Bengal BJP Legislative Party, set to be the new CM of the state. pic.twitter.com/DCm6zezL4U
— ANI (@ANI) May 8, 2026
حلف برداری کی تقریب رابندر جینتی کے موقع پر ہفتہ کی صبح 10 بجے منعقد کی جائے گی۔ تقریب کو خاص طور پر بنگالی ثقافت اور روایت کے رنگ میں پیش کرنے کی تیاری کی جا رہی ہے۔ وزیر اعظم نریندر مودی، وزیر داخلہ امت شاہ، وزیر دفاع راج ناتھ سنگھ، مرکزی وزیر نتن گڈکری، بی جے پی صدر نتن نبین اور مرکزی وزیر تعلیم دھرمیندر پردھان سمیت این ڈی اے کے زیر اقتدار 20 ریاستوں کے وزرائے اعلیٰ بھی اس تقریب میں شریک ہوں گے۔ اس کے علاوہ سماج کے مختلف شعبوں سے تعلق رکھنے والی اہم شخصیات، دانشوروں، فنکاروں اور پارٹی کارکنوں کو بھی دعوت دی گئی ہے۔ بی جے پی اس تقریب کو صرف سیاسی تبدیلی نہیں بلکہ ”نئے بنگال“ کے آغاز کے طور پر پیش کر رہی ہے۔
ادھر نئی کابینہ کو لے کر بھی سیاسی سرگرمیاں تیز ہوگئی ہیں۔ پارٹی ذرائع کا کہنا ہے کہ دلیپ گھوش، شنکر گھوش، سوپن داس گپتا، جتیندر تیواری اور شردوت مکھرجی کو کابینہ میں شامل کیا جا سکتا ہے۔ اس کے علاوہ نیلادری شیکھر، پرنت ٹوڈو، رودر نیل گھوش، دودھ کمار منڈل اور بنکم گھوش کے نام بھی ممکنہ وزراء کی فہرست میں شامل ہیں۔ سیاسی مبصرین کے مطابق مغربی بنگال میں بی جے پی کی یہ کامیابی ریاست کی سیاست میں ایک بڑی تبدیلی مانی جا رہی ہے۔ سویندو ادھیکاری کی قیادت میں نئی حکومت کے سامنے انتظامیہ کو مستحکم کرنے، ترقیاتی منصوبوں کو تیز کرنے اور عوامی توقعات پر پورا اترنے کا بڑا چیلنج ہوگا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
