مشہور اداکارہ مدھو ملہوترا نے دنیا سے رخصت، ’رشتہ کاغذکا‘، ’قرض‘ اور’ہیرو‘ جیسی فلموں میں کیا تھا کام

دنیائے سنیما سے بے حد مایوس کن خبرسامنے آرہی ہے۔ مشہوراداکارہ مدھوملہوترا کا انتقال ہوگیا ہے۔ مدھوملہوترا نے 72 سال کی عمرمیں دنیا کوالوداع کہہ دیا ہے۔ مدھوملہوترا کے انتقال کی خبرآتے ہی انڈسٹری میں شوکی لہردوڑگئی ہے۔ ہرکوئی عظیم اداکارہ کی روح کے سکون کے لئے دعا کررہا ہے۔

سبھاش گھئی نے ظاہرکیا افسوس

جانکاری کے مطابق، مدھوملہوترا کا انتقال 13 مارچ کوہوا ہے۔ اداکارہ کے انتقال پرافسوس کا اظہارکرتے ہوئے فلمسازسبھاش گھئی نے انہیں خراج عقیدت پیش کیا ہے۔ سبھاش گھئی نے مدھو کوایک ’شائستہ‘ خاتون بھی قراردیا۔ انہوں نے ’لمبی جدائی‘ گانے کے بارے میں بات کرتے ہوئے کہا کہ یہ پاکستان کی گلوکارہ ریشمہ کے ذریعہ گایا گیا ایک لوک گیت تھا۔

سبھاش گھئی نے کیا کہا؟

سبھاش گھئی نے مزید کہا کہ مجھے پردے پرایک ایسی نارتھ انڈین اداکارہ کی ضرورت تھی، جس کی آنکھیں چمکتی ہوں اور یہ گیت امرہوگیا۔ میں ان کی آتما کے امن کے لئے دعا کرتا ہوں۔ واضح رہے کہ مدھو ملہوترا ’ستّے پہ ستّا‘،’رشتہ کاغذ کا‘ ’قرض‘ ’ہیرو‘، ’وشوناتھ‘ اور’قیامت‘ جیسی فلموں میں کام کرنے کے لئے مقبول تھیں۔

کہاں اداکی جائیں گی آخری رسومات؟

واضح رہے کہ اداکارہ مدھوملہوترا کا 13 مارچ کوممبئی میں انتقال ہوگیا۔ اداکارہ نے 71 سال کی عمرمیں اپنی آخری سانس لی۔ ان کی آخری رسوم اوشیرا شمشان گھاٹ میں ادا کی جائے گی۔ اداکارہ کی شیویاترا ان کی رہائش گاہ سے شام 4 بجے نکلے گی۔ اس سے پہلے دوپہر12 بجے سے تین بجے تک ان کے گھرپرخراج عقیدت پیش کیا جاسکے گا۔

ہمیشہ لوگوں کے دلوں میں رہیں گی مدھو 

مدھوملہوترا کے انتقال سے سبھی مایوس ہیں۔ سوشل میڈیا پربھی اس خبرکی جانکاری ملی تو فینس سے لے صارفین اورتمام سیلبس بھی اداکارہ کوخراج عقیدت پیش کررہے ہیں۔ ساتھ ہی ان کی آتما کی شانتی کے لئے دعا بھی کررہے ہیں۔ مدھوملہوترا بھلے ہی اب اس دنیا میں نہیں رہیں، لیکن ان کی شانداراداکاری اورکردارہمیشہ لوگوں کے ذہن میں رہیں گے۔