عام آدمی پارٹی کی سابق ترجمان اورمیڈیا پینلسٹ اورصحافی ہدیٰ زری والا نے کہا ہے کہ رمضان کا مبارک مہینہ بھائی چارہ کا پیغام دیتا ہے۔ انہوں نے کہا کہ ہندو-مسلم اتحاد ہمارے ملک کی سب سے بڑی طاقت ہے۔ ہدیٰ زری والا بی جے پی لیڈراورترجمان آلوک وتس کے ذریعہ منعقدہ افطار پارٹی میں شرکت کرنے پہنچی تھیں۔ انہوں نے آلوک وتس کے بھائی چارہ اورمحبت کے پیغام کی تعریف کرتے ہوئے کہا کہ جب تک سماج میں آلوک وتس جیسے لوگ موجود ہیں، کوئی بھی ملک کا امن وامان اوربھائی چارہ کونقصان نہیں پہنچا سکتا۔
ہدیٰ زری والا نے بی جے پی لیڈرآلوک وتس کی تعریف کرتے ہوئے کہا کہ گرچہ وہ کسی الگ سیاسی پارٹی سے تعلق رکھتے ہوں، لیکن ان کا کرداراورعمل قابل ستائش ہے۔ وہ گزشتہ 27 سالوں سے ہندومسلم اتحاد کے لئے اورسماج میں بھائی چارہ کوبنائے رکھنے کے لئے روزہ افطارتقریب کا اہتمام کرتے ہیں، یہ انتہائی خوش آئند ہے۔ انہوں نے کہا کہ سماج میں نفرت پیدا کرنے والوں کے لئے سیکولرکردارکے لوگوں کوآگے آنا ہوگا اوربھائی چارہ کوعام کرنا ہوگا۔ آپ کوبتا دیں کہ ہدیٰ زری والا مختلف میڈیا چینلوں پرکھل کراپنی بات رکھتی ہیں۔ سیاست میں آنے سے پہلے وہ ایک صحافی بھی رہی ہیں۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
