بی جے پی نے قومی صدر نتن نوین کو بہار سے راجیہ سبھا کا امیدوار بنایا ہے۔
نئی ہلی: بھارتیہ جنتا پارٹی (بی جے پی) نے راجیہ سبھا انتخابات 2026 کے لئے اپنے 9 امیدواروں کے ناموں کا اعلان کردیا ہے۔ بی جے پی نے اپنے قومی صدرنتن نبین کو بھی میدان میں اتارا ہے۔ بی جے پی نے بہارسے نتن نبین اورشیویش رام کو راجیہ سبھا کے لیے نامزد کیا ہے۔ آپ کو بتا دیں کہ پرچہ نامزدگی داخل کرنے کے لئے 5 مارچ آخری تاریخ ہے۔ ووٹنگ 15 مارچ کو ہونی ہے۔ اسی دن ووٹوں کی گنتی بھی ہوگی۔
بی جے پی نے منگل کے روز6 ریاستوں سے راجیہ سبھا کے 9 امیدواروں کے ناموں کا اعلان کیا۔ تاہم پارٹی نے ابھی تک مہاراشٹرکے امیدواروں کے ناموں کا اعلان نہیں کیا ہے۔ سنجے بھاٹیہ کوہریانہ سے راجیہ سبھا کے لئے اورراہل سنہا کومغربی بنگال سے نامزد کیا گیا ہے۔ بی جے پی نے چھتیس گڑھ سے لکشمی ورما اوراوڈیشہ سے پارٹی کے ریاستی صدورمنموہن شامل اورسجیت کمار کونامزد کیا ہے۔ تراش گوالا اورجگن موہن کوآسام کے لیے نامزد کیا گیا ہے۔
भारतीय जनता पार्टी की केंद्रीय चुनाव समिति ने विभिन्न प्रदेशों में होने वाले राज्यसभा के द्विवार्षिक चुनाव हेतु निम्नलिखित नामों पर अपनी स्वीकृति प्रदान की है। pic.twitter.com/38I3mo5KMb
— BJP (@BJP4India) March 3, 2026
بہارمیں الیکشن کی سرگرمی تیز
بہارمیں 2026 کے راجیہ سبھا انتخابات اپنے عروج پرہیں۔ بہارکے پانچ راجیہ سبھا ممبران جن کی میعاد اپریل میں ختم ہورہی ہے ان میں ڈپٹی چیئرمین ہری ونش نارائن سنگھ، پریم چند گپتا، مرکزی وزیررام ناتھ ٹھاکر، امریندردھاری سنگھ اوراپیندرکشواہا شامل ہیں۔ ہری ونش نارائن سنگھ اوررام ناتھ ٹھاکرجے ڈی یو سے ہیں، پریم چند گپتا اورامریندردھاری سنگھ آرجے ڈی سے ہیں اوراپیندر کشواہا راشٹریہ لوک مورچہ (آرایل ایم) کی نمائندگی کرتے ہیں۔
پانچویں سیٹ کے لئے جوڑ توڑکی قیاس آرائی تیز
اسمبلی الیکشن 2025 میں منتخب ہونے والے اراکین اسمبلی کی تعداد کودیکھتے ہوئے پانچ میں سے چارسیٹوں کا این ڈی اے کوجانا یقینی سمجھا جاتا ہے۔ پانچویں سیٹ حاصل کرنے کے لیے این ڈی اے کوتین اضافی اراکین اسمبلی کی حمایت کی ضرورت ہوگی۔ فی الحال جے ڈی یوکے پاس دوسیٹیں ہیں۔ بی جے پی نے آج پہلے ہی دوسیٹوں کے لیے امیدواروں کا اعلان کردیا ہے۔ اب پانچویں سیٹ باقی ہے، جس کے لئے سیاسی جوڑتوڑ سے متعلق بحث عروج پرہے۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
