بھارت کی قدیم ترین مذہبی اور ثقافتی علامتوں میں شامل سومناتھ مندر پر ہونے والے پہلے حملے کے ایک ہزار سال مکمل ہونے پر مرکزی حکومت نے ’’سومناتھ سوابھیمان پرو‘‘ منانے کا اعلان کیا ہے۔ یہ خصوصی تقریبات 8 جنوری سے 11 جنوری تک منعقد کی جائیں گی۔ اس موقع پر مرکزی وزیرِ داخلہ امت شاہ نے ایک ویڈیو پیغام جاری کرتے ہوئے سومناتھ مندر کی تاریخی، مذہبی اور تہذیبی اہمیت کو اجاگر کیا۔ امت شاہ کی جانب سے جاری ویڈیو میں سومناتھ مندر کی پوری داستان کو علامتی انداز میں پیش کیا گیا ہے۔ ویڈیو میں طلوعِ آفتاب کے مناظر، سمندر کے کنارے واقع مندر کی خوبصورتی اور اس کی روحانی فضا کو نمایاں کیا گیا ہے۔ ویڈیو کے ساتھ اپنے پیغام میں وزیرِ داخلہ نے کہا کہ سومناتھ مندر محض ایک جیوترلنگ ہی نہیں بلکہ سناتن تہذیب، روحانی وقار اور ہندوستانی ثقافت کی لازوال وراثت کی علامت ہے۔
सोमनाथ महादेव मंदिर ज्योतिर्लिंग होने के साथ-साथ सनातन संस्कृति व आध्यात्मिक गौरव की अक्षुण्ण विरासत भी है। बीते हजार वर्षों में इस मंदिर पर कई हमले हुए, लेकिन यह हर बार उठ खड़ा हुआ। यह हमारी सभ्यतागत अमरता और कभी हार न मानने की दृढ़ इच्छाशक्ति का प्रतीक है। इसे मिटाने की कोशिश… pic.twitter.com/X6iEMaztH9
— Amit Shah (@AmitShah) January 8, 2026
انہوں نے کہا کہ گزشتہ ایک ہزار برسوں کے دوران سومناتھ مندر پر بارہا حملے کیے گئے، ہر مرتبہ اسے نقصان پہنچایا گیا، مگر یہ مندر ہر بار پہلے سے زیادہ شان و شوکت کے ساتھ دوبارہ کھڑا ہوا۔ امت شاہ کے مطابق سومناتھ مندر ہماری تہذیب کی ابدیت اور کبھی شکست نہ ماننے والی قوتِ ارادی کی علامت ہے۔ حملہ آوروں کے نام تاریخ کے صفحات سے مٹ گئے، لیکن سومناتھ آج بھی پوری عظمت کے ساتھ قائم ہے۔ مرکزی وزیرِ داخلہ نے سناتن ثقافت کی مضبوطی پر زور دیتے ہوئے کہا کہ سومناتھ کی تاریخ ہمیں یہ سکھاتی ہے کہ حملے ہمیں زخمی تو کر سکتے ہیں، مگر ختم نہیں کر سکتے۔ ہر بار زیادہ وقار کے ساتھ دوبارہ اٹھ کھڑا ہونا سناتن ثقافت کی بنیادی خصوصیت ہے، جو اسے ناقابلِ شکست بناتی ہے۔
انہوں نے بتایا کہ وزیرِ اعظم نریندر مودی کی قیادت میں حکومت نے پہلے حملے کے ایک ہزار سال مکمل ہونے پر ’’سومناتھ سوابھیمان پرو‘‘ منانے کا فیصلہ کیا ہے، جس کا مقصد آنے والی نسلوں تک سناتن ثقافت کی مضبوطی، استقامت اور خودداری کا پیغام پہنچانا ہے۔ امت شاہ، جو خود بھی سومناتھ مندر ٹرسٹ کے رکن ہیں، نے ملک بھر کے عوام سے اپیل کی کہ وہ 8 سے 11 جنوری تک منعقد ہونے والے اس پرو میں بڑھ چڑھ کر حصہ لیں۔ انہوں نے کہا کہ یہ موقع اپنی ثقافتی وراثت پر فخر کرنے اور قومی خودداری کو مزید مضبوط بنانے کا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
