معروف اداکار ستیش شاہ کا گزشتہ روز 25 اکتوبر 2025 کو 74 برس کی عمر میں انتقال ہوگیا ہے۔ اس افسوسناک خبر پر وزیر اعظم نریندر مودی نے اپنے ایکس (پہلے ٹویٹر) اکاؤنٹ پر اظہارِ افسوس کیا اور مرحوم کو ”ہندی تفریح کا حقیقی لیجنڈ“ قرار دیا۔ وزیراعظم نے اپنے پیغام میں لکھا کہ ”جناب ستیش شاہ جی کے انتقال سے بہت دکھ ہوا۔ انہیں ہندوستانی تفریح کے ایک حقیقی لیجنڈ کے طور پر یاد رکھا جائے گا ۔ ان کے سادہ مزاح اور شاندار اداکاری نے بے شمار زندگیوں میں ہنسی پیدا کی ۔ ان کے اہل خانہ اور مداحوں سے تعزیت ۔ اوم شانتی“ ۔
بھارتی فلم اور ٹیلی ویژن صنعت کے کئی معروف ستاروں نے بھی ستیش شاہ کو خراجِ عقیدت پیش کیا جن میں کاجول، آر مادھون، کرن جوہر اور انوپم کھیر وغیرہ ہیں۔ ساتھی اداکار راجیش کمار نے، جنہوں نے مشہور ٹی وی سیریز سارا بھائی میں ستیش شاہ کے ساتھ کام کیا، لکھا کہ ”یہ ہمارے لیے سب سے بدترین گھڑی ہے … میں ابھی تک قبول نہیں کر پا رہا ہوں کہ ستیش شاہ جی اب نہیں رہے… یوں محسوس ہوتا ہے جیسے میں نے اپنے والد کو کھو دیا ہو“۔
Deeply saddened by the passing of Shri Satish Shah Ji. He will be remembered as a true legend of Indian entertainment. His effortless humour and iconic performances brought laughter into countless lives. Condolences to his family and admirers. Om Shanti.
— Narendra Modi (@narendramodi) October 25, 2025
ہندوستان کے وژنری کامیڈین ستیش شاہ کی وفات کی تصدیق استال نے ایک بیان جاری کر کے کی، جس میں بتایا گیا کہ انہیں ان کے گھر بے ہوش حالت میں پایا گیا اور فوری طور پر اسپتال لایا گیا، تاہم تمام کوششوں کے باوجود وہ دوبارہ سانس نہیں لے سکے۔ ان کی آخری رسومات آج دوپہر 12 بجے بمبئی کے ویلے پارلے (ویسٹ) کے پون ہنس کریمیشن گراؤنڈ، ایس وی روڈ پر انجام پائیں گی۔
ان کے جانے سے نہ صرف ان کے اہلِ خانہ بلکہ پورے تفریحی شعبے اور لاکھوں مداحوں کو گہرا صدمہ پہنچا ہے۔ ستیش شاہ کی مزاحیہ صلاحیت، بے باک اداکاری اور عوام سے ان کے جذباتی تعلق کی بدولت انہیں ہمیشہ یاد رکھا جائے گا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
