Indian Army Chief warns Pakistan: پاکستان کو اس بات پر غور کرنا ہوگا کہ وہ اپنے جغرافیائی حدود میں رہے گا یا نہیں، بھارتی آرمی چیف کا پاکستان کو انتباہ

بھارتی آرمی چیف نے پاکستان کو انتباہ دیتے ہوئے کہا کہ ’آپریشن سندور 1.0 کے دوران بھارت نے جو تحمل کا مظاہرہ کیا تھا وہ اس مرتبہ برقرار نہیں رکھا جائے گا، اس بار ہم مزید کارروائی کریں گے اور ہم ایسی کارروائی کریں گے کہ پاکستان کو اپنے جغرافیہ کی حدود میں رہنا ہے یا نہیں‘ اس پر نظر ثانی کرنا پڑے گی۔

آپریشن سندور

بھارتی آرمی چیف جنرل اوپیندر دویدی نے ایک مرتبہ پھر پاکستان کو سخت وارننگ جاری کردی۔ سری گنگا نگر میں فوجیوں سے خطاب کرتے ہوئے، انہوں نے کہا ’’میں یہاں یہ کہنا چاہوں گا کہ آپریشن سندور 1.0 کے دوران ہندوستان نے جو تحمل کا مظاہرہ کیا تھا وہ اس بار برقرار نہیں رکھا جائے گا۔‘‘ جنرل اوپیندر دویدی نے انتباہ دیا ’’اس مرتبہ، ہم مزید کارروائی کریں گے اور ہم ایسی کارروائی کریں گے کہ پاکستان کو اپنے جغرافیہ کی حدود میں رہنے کے بارے میں دوبارہ غور کرنا پڑے گا۔‘‘

پاکستان کو دہشت گردی کو روکنا ہوگا

جنرل اوپیندر دویدی نے دو ٹوک کہا کہ اگر پاکستان دنیا میں اپنا مقام بنانا چاہتا ہے تو اسے دہشت گردی کی حمایت بند کرنی ہوگی۔ انہوں نے فوج کے جوانوں سے کہا کہ پوری طرح تیار رہیں، اور اگر خدا (بھگوان)  نے چاہا تو جلد ہی یہ موقع ملے گا۔ خبر رساں ایجنسی پی ٹی آئی کے مطابق آرمی چیف نے آپریشن سندورکا حوالہ دیتے ہوئے کہا کہ اس آپریشن میں ہندوستانی فوج نے پاکستان میں دہشت گردوں کے 9 ٹھکانے تباہ کیے، 100 سے زائد دہشت گرد ہلاک کئے گئے۔

آپریشن سندور  نےبہت کچھ تبدیل کر دیا

جنرل اوپیندر دویدی نے کہا، ’’آپریشن سندور ہماری زندگیوں میں اتنا گہرا ہو گیا ہے کہ جب تک ہم زندہ رہیں گے یہ ہمارے ساتھ رہے گا۔‘‘ انہوں نے وضاحت کی کہ آپریشن سندور کا نام وزیراعظم نریندر مودی نے وضع کیا تھا اور یہ آپریشن خواتین کے لیے مختص تھا۔ جنرل  موصوف کے بیان سے واضح طور پر ظاہر ہوتا ہے کہ ہندوستانی فوج مستقبل میں پاکستان کے خلاف مزید سخت کارروائی کرنے کے لیے تیار ہے۔ آرمی چیف جنرل اوپیندر دویدی نے جمعہ کو راجستھان میں پاکستانی سرحد کے قریب ایک فوجی کیمپ کا دورہ کیا، جہاں انہوں نے فوجیوں سے خطاب کیا۔

بھارت ایکسپریس اردو۔