ممبئی: مرکزی وزیر داخلہ امت شاہ کے طیارے میں ہفتہ کو اچانک تکنیکی خرابی آ گئی۔ یہ واقعہ ان کے دو روزہ ممبئی دورے کے بعد گجرات واپس روانہ ہوتے وقت پیش آیا۔ مہاراشٹر کے نائب وزیراعلیٰ ایکناتھ شندے نے فوراً اپنی مدد پیش کرتے ہوئے طیارہ فراہم کرایا جس کے ذریعے امت شاہ اور ان کا خاندان گجرات روانہ ہو گئے۔
گنیش اُتسو میں شرکت کے بعد شاہ کا سیاسی دورہ
اس سے قبل امت شاہ نے ہفتہ کو گنیش اتسو پروگرام میں حصہ لینے کے لیے وزیراعلیٰ دیویندر فڈنویس کی رہائش گاہ کا دورہ کیا۔ بعدازاں انہوں نے اپنے خاندان کے ساتھ مشہور لال باغ کا راجا گنپتی کے درشن کیے۔ اس دوران انہوں نے نائب وزیراعلیٰ ایکناتھ شندے اور ریاستی سطح پر پارٹی کے رہنماؤں کے ساتھ ملاقات بھی کی۔
गणेश उत्सव में मुंबई के साथ ही पूरा महाराष्ट्र आस्था और हर्षोल्लास से भरा होता है। हर वर्ष की तरह इस वर्ष भी बांद्रा में सार्वजनिक गणेशोत्सव मंडल द्वारा स्थापित गणपति बाप्पा की भव्य मूर्ति के दर्शन करके सभी के कल्याण की प्रार्थना की।
गणेशोत्सवात मुंबईसह संपूर्ण महाराष्ट्र… pic.twitter.com/tv9wScBsWd
— Amit Shah (@AmitShah) August 30, 2025
امت شاہ کا مہاراشٹر دورہ
مرکزی وزیر داخلہ امت شاہ جمعہ کی رات مہاراشٹر پہنچے۔ آج صبح انہوں نے شندے اور آر ایس ایس کے جوائنٹ جنرل سکریٹری اتل لیمے، مہاراشٹر بی جے پی کے صدر رویندر چوان اور ممبئی بی جے پی کے نئے سربراہ امت ساٹم کے ساتھ ریاستی حکومت کے سہیادری گیسٹ ہاؤس میں بات چیت کی۔
وینود تاؤڑے اور امت شاہ کی ملاقات
اپنے دو روزہ دورے کے دوران امت شاہ نے بی جے پی کے قومی جنرل سکریٹری وینود تاؤڑے سے بھی ملاقات کی۔ اس ملاقات میں آنے والے نائب صدر کے انتخابات، بہار اسمبلی انتخابات اور تنظیمی امور پر بات چیت ہونے کا امکان ظاہر کیا جا رہا ہے۔ ذرائع کے مطابق امت شاہ نے مرٹھا ریزرویشن تحریک کے بارے میں وزیراعلیٰ فڈنویس اور وزیر آشیش شیلار سے معلومات حاصل کیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
