سکیش چندر شیکھر نے جیل سے خط لکھ کر اروند کیجریوال اور عام آدمی پارٹی پر سنگین الزامات عائد کئے ہیں۔
جیل میں بند سکیش چندرشیکھرکی طرف سے ایک بارلیٹر بم پھوڑا ہے۔ انہوں نے ایک بار پھر دہلی کے وزیراعلیٰ اروند کیجریوال اور عام آدمی پارٹی پر الزام لگایا ہے۔ واضح رہے کہ اس سے پہلے بھی سکیش چندر شیکھردہلی حکومت اورعام آدمی پارٹی پرکئی الزام لگا چکا ہے۔
اس بار سکیش چندرشیکھر نے لیٹر میں دعویٰ کیا ہے کہ کیجریوال کا ساوتھ گروپ کے ساتھ کنکشن ہے اورکیجریوال کے کہنے پر ہی تلنگانہ راشٹریہ سمیتی (ٹی آرایس) دفتر میں 15 کروڑ روپئے پہنچایا گیا تھا۔
سکیش چندر شیکھر نے اپنے خط میں کہا کہ اس کے پاس وہ چیٹ بھی موجود ہے، جس میں اروند کیجریوال کے کہنے پر ٹی آرایس دفتر میں 15 کروڑ روپئے پہنچانے کی بات کی گئی۔ اس نے خط میں کہا کہ جو چیٹ اس کے پاس موجود ہے، اس میں 15 کروڑ روپئے دینے والا آپ کا حکم اور اسے قبول کرنے والا ٹی آرایس لیڈر کا بیان شامل ہے۔ یہ چیٹ کیجریوال کے ساوتھ گروپ کے ساتھ سودے بازی بھی واضح کرتا ہے۔
یہ بھی پڑھیں: سکیش چندر شیکھر روہنی جیل سے وصولی کا ریکٹ چلاتا تھا: تین افسران پر لٹاتا تھا رقم
سکیش چندر شیکھر نے دعویٰ کیا کہ اس چیٹ کو کوڈ ورڈ میں بات کی گئی تھی تاکہ کسی کو پتہ نہ چلے۔ اس لئے چیٹ میں 15 کروڑ روپئے کو 15 کلو گھی کہہ کر مخاطب کیا گیا۔ سکیشن نے یہ بھی کہا کہ عام آدمی پارٹی اور اروند کیجریوال کے ٹی آرایس اور ان کے لیڈران کے ساتھ لمبے وقت سے رابطے میں ہیں۔ اس نے دعویٰ کیا کہ کیجریوال اور ٹی آرایس کے درمیان کئی مواقع پرمالی لین دین کیا گیا۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
