لداخ کے لیفٹیننٹ گورنر کویندر گپتا نے آج وزیر اعظم نریندر مودی اور مرکزی وزیر داخلہ امت شاہ سے قومی دارالحکومت میں ملاقات کی اور مرکزی زیر انتظام علاقے کی ترقی اور سیاحت کی صلاحیت پر تبادلۂ خیال کیا۔ وزیر اعظم مودی کے ساتھ اپنی ملاقات میں ایل جی نے لداخ کے ماحولیاتی سیاحت، مہم جوئی کے کھیلوں اور ثقافتی ورثے پر مبنی تجربات کے مواقع پر روشنی ڈالی۔
انھوں نے پی ایم مودی کو زمینی حقائق، چیلنجوں اور لوگوں کی امنگوں کے بارے میں بھی آگاہ کیا اور ساتھ ہی خطے میں بہتر رابطے، صحت کی دیکھ بھال اور روزی روٹی کے مواقع کی ضرورت پر توجہ مرکوز کی۔ وہیں وزیر اعظم مودی نے لداخ میں جامع اور پائیدار ترقی کے لیے حکومت ہند کے عزم کا اعادہ کیا اور اس بات کو یقینی بنانےپر زور دیا کہ حکومت کی فلاحی اسکیمیں انتہائی دور دراز دیہاتوں تک بھی پہنچیں۔
&
Lieutenant Governor of Ladakh, Shri @KavinderGupta met Prime Minister @narendramodi. pic.twitter.com/hJROT9lC4Z
— PMO India (@PMOIndia) August 2, 2025
nbsp;
وزیر داخلہ امت شاہ بھی کی ملاقات
بعد ازاں وزیر داخلہ امت شاہ کے ساتھ اپنی میٹنگ میں لداخ کے ایل جی کویندر گپتا نے موجودہ انتظامی فریم ورک، سرحدی علاقے کی ترقی اور بنیادی ڈھانچے کی ضروریات پر تبادلۂ خیال کیا تاکہ مقامی معاش کو سہارا دیا جاسکے۔ وزیر داخلہ امت شاہ نے سرحدی انفراسٹرکچر کو مضبوط بنانے، معیار زندگی کو بہتر بنانے اور خطے میں امن اور ہم آہنگی کو برقرار رکھنے کے لیے مرکزی حکومت کی جانب سے مکمل تعاون کا یقین دلایا۔
وہیں ایل جی کویندر گپتا نے کہا کہ لداخ انتظامیہ لداخ کی منفرد ثقافت اور ماحول کو محفوظ رکھتے ہوئے ترقیاتی پروجیکٹوں کو تیز کرنے، انفراسٹرکچر کو مضبوط کرنے اور مقامی کاروبار اور کاروباری شخصیات کو فروغ دینے کے لیے مرکزی حکومت کے ساتھ قریبی تال میل سے کام کرے گی اور خطے کی ترقی کو یقینی بنائے گی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
