مرکزی وزیر داخلہ امت شاہ۔
نئی دہلی: ہندوستانی فوج، سی آر پی ایف اور جموں و کشمیر پولیس کے ایک مشترکہ آپریشن مہادیو میں پہلگام دہشت گردانہ حملے میں ملوث تین دہشت گردوں کو ہلاک کر دیا گیا ہے۔ اس کی جانکاری مرکزی وزیر داخلہ امت شاہ نے لوک سبھا میں دی۔ انہوں نے بتایا کہ کس طرح ’آپریشن مہادیو‘ نے دہشت گردوں کو ان کے انجام تک پہنچایا۔ شاہ نے ایوان میں بتایا کہ فوج، سی آر پی ایف اور جموں و کشمیر پولیس نے ’آپریشن مہادیو‘ کے ذریعے تین دہشت گردوں کو ہلاک کیا ہے، جن میں سلیمان عرف فیضل، افغان اور جبران شامل ہیں۔
امت شاہ نے کہا، ’’تینوں دہشت گرد- سلیمان، افغان اور جبران – کل کی کارروائی میں مارے گئے تھے۔ جو لوگ ان تک کھانا پہنچاتے تھے انہیں پہلے ہی حراست میں لے لیا گیا تھا۔ جب ان دہشت گردوں کی لاشیں سری نگر لائی گئیں تو ہماری ایجنسیوں کے ذریعہ حراست میں رکھے گئے لوگوں نے ان کی شناخت کی۔‘‘
In Lok Sabha, Union Home Minister Amit Shah says, ” All three terrorists – Suleman, Afghan and Jibran were killed in yesterday’s operation. The people who used to supply food to them were detained earlier. Once the bodies of these terrorists were brought to Srinagar, they were… https://t.co/jBP4SmmbUJ pic.twitter.com/pK48Lp7MIP
— ANI (@ANI) July 29, 2025
مرکزی وزیر داخلہ امت شاہ نے کہا، ’’آپریشن مہادیو میں سلیمان عرف فیضل، افغان اور جبران یہ تینوں دہشت گرد ہندوستانی فوج، سی آر پی ایف اور جموں و کشمیر پولیس کے مشترکہ آپریشن میں مارے گئے۔‘‘
#WATCH | Delhi | On Operation Mahadev, Union Home Minister Amit Shah says, “… In the Operation Mahadev, Suleman alias Faizal…, Afghan and Jibran, these three terrorists were killed in a joint operation of the Indian Army, CRPF and J&K Police… Suleman was an A-category… pic.twitter.com/Nq04i1y814
— ANI (@ANI) July 29, 2025
آپریشن سندور پر بحث کے دوران مرکزی وزیر داخلہ امت شاہ نے کہا، ’’پہلگام میں بے گناہ شہریوں کا وحشیانہ قتل، ان کا مذہب پوچھ کر ان کی فیملی کے سامنے قتل کیا گیا، یہ قتل بڑی بربریت کے ساتھ کیے گئے، میں اس کی شدید مذمت کرتا ہوں اور ہلاک ہونے والوں کے خاندانوں سے اظہار تعزیت کرتا ہوں۔‘‘
امت شاہ نے کہا کہ پہلگام حملے کے بعد 23 اپریل کو سیکورٹی میٹنگ ہوئی تھی۔ سب سے پہلے یہ فیصلہ کیا گیا کہ دہشت گرد ملک چھوڑ کر پاکستان فرار نہ ہو سکیں۔ اس کے لیے مکمل انتظامات کیے گئے اور دہشت گردوں کو فرار ہونے نہیں دیا گیا۔
وزیر داخلہ نے کہا کہ 22 مئی کو آئی بی کو اطلاع ملی۔ ڈاچی گام کے علاقے میں دہشت گردوں کی موجودگی کی اطلاع ملی۔ فوج اور آئی بی نے سگنل کیپچر کر کے 22 دہشت گردوں کی اطلاع کی تصدیق کی۔ 22 جولائی کو سینسرز کے ذریعے دہشت گردوں کی موجودگی کی تصدیق ہوئی۔ 4 پیرا آرمی، سی آر پی ایف اور جموں و کشمیر پولیس کے جوانوں نے مل کر دہشت گردوں کو گھیرنے کا کام کیا۔ یہ کارروائی پیر کو ہوئی، جس میں پہلگام حملے کے تینوں دہشت گرد مارے گئے۔
امت شاہ نے لوک سبھا میں بتایا کہ پہلگام حملے کے دوران ملے کارتوس کے خول اور دہشت گردوں کی رائفلوں کے خول کا ملان ہوا ہے۔ دہشت گردوں سے ایک ایم نائن امریکن اور دو اے کے 47 رائفلیں برآمد ہوئی ہیں۔ وزیر داخلہ نے لوک سبھا میں بتایا کہ چنڈی گڑھ ایف ایس ایل رپورٹ میں کارتوس کا ملان ہوا ہے۔ 6 سائنسدانوں نے کراس چیک کیا ہے۔ سائنسدانوں نے تصدیق کی ہے کہ یہ وہی گولیاں ہیں جو پہلگام میں چلائی گئی تھیں۔
’’دہشت گردوں کا دھرم دیکھ کر دکھی نہ ہوں‘‘
امت شاہ نے کہا، ’’مجھے لگا جب یہ جانکاری حکمراں پارٹی اور اپوزیشن کے لوگ سنیں گے تو خوش جائیں گے، لیکن ان کے (اپوزیشن) کے چہروں پر سیاہی پڑ گئی، دہشت گرد مارے گئے، کیا اس بات سے خوشی نہیں ہے؟ آپ دہشت گردوں کا دھرم دیکھ کر دکھی نہ ہوں۔‘‘
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
