نائجیریا کے سابق صدر محمدو بوہاری اتوار کے روز 82 برس کی عمر میں انتقال کر گئے۔ ان کے انتقال کی خبر سے نائجیریا میں غم کی لہر دوڑ گئی ہے۔ بھارت کے وزیر اعظم نریندر مودی سمیت کئی عالمی رہنماؤں نے ان کے انتقال پر گہرے رنج و غم کا اظہار کیا ہے۔
وزیر اعظم مودی کا اظہارِ افسوس
وزیر اعظم نریندر مودی نے سوشل میڈیا پلیٹ فارم “ایکس” پر اظہارِ افسوس کرتے ہوئے لکھا: “نائجیریا کے سابق صدر محمد بوہاری کے انتقال کی خبر سے بے حد رنجیدہ ہوں۔ مختلف مواقع پر ان سے ہونے والی ملاقاتیں اور بات چیت یاد آتی ہیں۔ ان کی گرمجوشی، اور بھارت-نائجیریا دوستی کے لیے ان کی غیر متزلزل وابستگی بے مثال تھی۔”
Deeply saddened by the passing of former President of Nigeria Muhammadu Buhari. I fondly recall our meetings and conversations on various occasions. His wisdom, warmth and unwavering commitment to India–Nigeria friendship stood out. I join the 1.4 billion people of India in…
— Narendra Modi (@narendramodi) July 14, 2025
وزیر اعظم نے مزید لکھا:”میں بھارت کے 1.4 ارب عوام کے ساتھ ان کے خاندان، نائجیریا کے عوام اور حکومت سے دلی تعزیت کا اظہار کرتا ہوں۔”
لندن میں ہوا محمدو بوہاری کا انتقال
2015 سے 2023 تک نائجیریا کے صدر رہنے والے محمدو بوہاری کا انتقال اتوار کو لندن میں علاج کے دوران ہوا۔ خبر رساں ایجنسی شینہوا کے مطابق، نائجیریا کے موجودہ صدر بولا احمد ٹینوبو نے نائب صدر قاسم شٹیما کو ہدایت دی ہے کہ وہ لندن جا کر محمدو بوہاری کا جسدِ خاکی واپس نائجیریا لائیں۔ ساتھ ہی انہوں نے ملک بھر میں سابق صدر کی یاد میں قومی ترنگا آدھا جھکا رہے گا۔
محمدو بوہاری کا سفرِ زندگی
17 دسمبر 1942 کو پیدا ہونے، محمدو بوہاری نے فوجی اور جمہوری دونوں ادوار میں ایک نمایاں کردار ادا کیا۔ 2015 میں صدر کے عہدے کے لیے کامیاب انتخابی مہم چلانے سے قبل وہ کئی برسوں تک سیاسی طور پر سرگرم رہے اور نائجیریا کی تاریخ میں پہلی بار کسی موجودہ صدر کو شکست دینے والے اپوزیشن امیدوار بنے۔
2019 میں وہ دوبارہ صدر منتخب ہوئے اور 29 مئی 2023 کو انہوں نے بولا ٹینوبو کو اقتدار سونپ دیا۔ ملک میں اقتصادی سست روی اور بڑھتی ہوئی عدم تحفظ کے باوجود، صدر کے طور پر اپنے دو ادوار میں محمدو بوہاری کی حکومت نے تین اہم شعبوں پر توجہ دی: سیکیورٹی، بدعنوانی کے خلاف جنگ، اور معیشت کی بہتری کے لیے تنوع۔
انہوں نے شمال مشرق میں بوکو حرام کے خلاف بڑے آپریشنز کیے اور لوٹے گئے عوامی اثاثوں کو واپس لانے کی کوشش کی۔ ان کے دورِ حکومت میں زراعت اور بنیادی ڈھانچے کی ترقی کے لیے بھی کئی اقدامات کیے گئے، اگرچہ ملک کو دو مرتبہ کساد بازاری، اور کئی علاقوں میں مسلسل سیکورٹی چیلنجز کا سامنا رہا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
