وزیر اعظم نریندر مودی اور یوروگوئے کے صدر یاماندو اورسی کی ملاقات برکس سربراہی اجلاس کے موقع پر ایک اہم سفارتی لمحہ رہی۔ اس ملاقات میں دونوں لیڈروں نے باہمی تعلقات کو مزید مضبوط بنانے کے عزم کا اعادہ کیا، خصوصاً تجارت، کیمیکل، فارماسیوٹیکل، دفاع اور ٹیکنالوجی جیسے شعبوں میں تعاون بڑھانے پر بات ہوئی۔ سوشل میڈیا پلیٹ فارم ’ایکس‘ پر اس ملاقات کی تصویر شیئر کرتے ہوئے پی ایم مودی نے لکھا کہ ’’برازیل میں برکس سربراہی اجلاس کے موقع پر یوروگوئے کے صدر یاماندو اورسی سے ملاقات کرکے خوشی ہوئی۔ ہماری ممالک کے درمیان قریبی تعلقات گلوبل ساؤتھ کے لیے اہم ہیں۔‘‘
پی ایم مودی نے دونوں ممالک کے درمیان تعاون کو فروغ دینے پر کیا تبادلۂ خیال
یوروگوئے کے ساتھ تعلقات کی اہمیت پر زور دیتے ہوئے اور دونوں ممالک کے درمیان تعاون کو فروغ دینے پر بات کرتے ہوئے وزیر اعظم نے کہا کہ ’’ہندوستان یوروگوئے کے ساتھ تعلقات کو مزید گہرا کرنے کے خاطر ہر ممکن کوشش کرنے کے لیے پرعزم ہے۔ اس تناظر میں ہم نے تجارت، کیمیکل، فارماسیوٹیکل، ٹیکنالوجی، دفاع سمیت اہم شعبوں میں تعاون کو فروغ دینے کے طریقوں پر تبادلۂ خیال کیا۔‘‘
پی ایم مودی نے یوروگوئے میں یوگا کی بڑھتی ہوئی مقبولیت کو سراہا
دریں اثنا وزیر اعظم نے یوروگوئے میں یوگا کی مقبولیت کو دونوں ممالک کے درمیان عوامی سطح پر تعلقات کے فروغ کے لیے ایک مثبت علامت قرار دیا۔ انھوں نے کہا کہ ’’یوروگوئے میں یوگا کی بڑھتی ہوئی مقبولیت عوام پر مبنی تعلقات بڑھانے کے لیے شاندار ہے۔‘‘ واضح رہے کہ ہندوستان، یوروگوئے کے ساتھ تعلقات کو گلوبل ساؤتھ کی مضبوطی کے تناظر میں خاص اہمیت دیتا ہے اور اس حوالے سے یہ ملاقات نہایت اہمیت کی حامل ہے۔
Happy to have met President Yamandú Orsi of Uruguay on the sidelines of the BRICS Summit in Brazil. Close ties between our nations are important for the Global South. India is committed to doing everything possible to further deepen relations with Uruguay. In this context, we… pic.twitter.com/32xbV28hTF
— Narendra Modi (@narendramodi) July 7, 2025
بولیویا کے صدر سے بھی کی ملاقات
اس سے قبل پیر کے روز وزیر اعظم مودی نے لاطینی امریکی ملک بولیویا کے صدر لوئس البرٹو سے بھی ملاقات کی اور دونوں ممالک کے درمیان تعلقات کو مزید بہتر اور متنوع بنانے پر زور دینے کے ساتھ ساتھ بولیویا کی آزادی کے 200 سال مکمل ہونے پر انھیں مبارکباد بھی پیش کی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
