پاکستان کےجنوبی وزیرستان کے علاقے سرگودھا میں ٹی ٹی پی (تحریک طالبان پاکستان) کے حملے میں میجر معیز عباس شاہ نامی اہلکار ہلاک ہو گیا ہے۔ میجر معیز عباس شاہ وہی افسر ہیں جنہوں نے 2019 میں بالاکوٹ حملے کے دوران بھارتی فضائیہ کے افسر ونگ کمانڈر ابھینندن وردھمان کو پکڑا تھا۔پاک فوج کے مطابق ٹی ٹی پی کے حملے میں میجر معیز عباس شاہ اور لانس نائیک جبران ہلاک ہو گئے ہیں۔ پاکستانی فوج کا دعویٰ ہے کہ انہوں نے ایک مقابلے میں ٹی ٹی پی کے 11 ارکان کو ہلاک کر دیا ہے۔
ایکسپریس نیوز کے مطابق، پاکستانی فوج کے میڈیا ونگ نے بتایا کہ خیبر پختونخوا کے ضلع جنوبی وزیرستان میں انٹیلی جنس پر مبنی آپریشن کے دوران دو فوجی مارے گئے۔انٹر سروسز پبلک ریلیشنز کے ایک بیان کے مطابق، “24 جون 2025 کو، سیکیورٹی فورسز نے جنوبی وزیرستان کے ضلع سروغہ کے علاقے میں آپریشن کیا، اس حملے میں میجر معیز عباس شاہ اور لانس نائیک جبران مارے گئے ہیں۔پاکستانی فوج کے میڈیا ونگ آئی ایس پی آر نے کہا ہے کہ میجر معیز پاکستانی دہشت گردوں کے خلاف کئی آپریشنز میں اپنی جرات مندانہ کارروائیوں کے لیے جانے جاتے تھے۔
واضح رہے کہ 14 فروری 2019 کو جب جیش محمدکے دہشت گردوں نے جموں و کشمیر کے پلوامہ میں سی آر پی ایف کے ایک قافلے کو نشانہ بنایا، تو ملک دنگ رہ گیا۔ اس حملے میں سی آر پی ایف کے 40 جوان شہید ہوئے تھے۔اس کے جواب میں ہندوستان نے 26 فروری کو پاکستان کے بالاکوٹ میں جیش محمد کے دہشت گرد کیمپ پر فضائی حملہ کیا۔ اسے بھارت میں بالاکوٹ ایئر اسٹرائیک کے نام سے جانا جاتا ہے۔ اس حملے میں جیش کے کئی بڑے دہشت گرد مارے گئے۔اگلے دن 27 فروری کو پاکستان ایئر فورس (پی اے ایف) نے جوابی کارروائی کی اور بھارتی فضائی حدود میں گھسنے کی کوشش کی۔ونگ کمانڈر ابھینندن اس وقت سری نگر کے 51 ویں سکواڈرن میں تعینات تھے اور مگ 21 بائیسن اڑارہے تھے۔ ابھینندن نے اس پاکستانی F-16 کو چیلنج کیا اور آسمان میں اس کا پیچھا کرنا شروع کیا اور مار گرایا۔
لیکن اس ڈاگ فائٹ کے دوران ابھینندن کا MiG-21 طیارہ پاکستانی میزائل سے ٹکرا گیا۔ آخر کار ان کو جہاز سے باہر نکلنا پڑا لیکن تب تک وہ لائن آف کنٹرول (ایل او سی) کو عبور کر کے پاکستان کے زیر قبضہ کشمیر (پی او کے) چلا گیا تھا۔جب ابھینندن پیراشوٹ کے ذریعے پی او کے میں اترے تو مقامی پاکستانیوں نے انہیں ہندوستانی پائلٹ سمجھ کر حملہ کیا۔ ابھینندن نے اپنے دفاع میں ہوا میں گولیاں چلائیں اور بعد میں انہیں پاکستانی فوج نے اپنی تحویل میں لے لیا۔ یہ دعویٰ کیا جاتا ہے کہ پاکستانی فوج بین الاقوامی جنگی قوانین کی خلاف ورزی کرتے ہوئے ابھینندن کو پکڑنے کی کوشش کر رہی تھی۔اس معاملے میں آفیسر معیز عباس شاہ نے اہم کردار ادا کیاتھا اور اب یہی پاکستانی فوجی افسر ٹی ٹی پی کے حملے میں مارا گیا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
