اسرائیل کا ایران پر حملہ
نئی دہلی: اسرائیل اور ایران کے درمیان بڑھتی کشیدگی کے درمیان، تل ابیب میں ہندوستانی سفارت خانے نے ملک میں موجود ہندوستانی شہریوں کو ایک ’ارجینٹ ایڈوائزری‘ جاری کی ہے۔ ایڈوائزری میں یہاں رہنے والے ہندوستانی شہریوں کو محتاط رہنے، غیر ضروری نقل و حرکت سے گریز کرنے اور مقامی حفاظتی ہدایات پر عمل کرنے کا مشورہ دیا گیا ہے۔ یہ مشورہ اسرائیل کی جانب سے جمعے کی صبح ایران پر بڑے فضائی حملے کیے جانے کے بعد سامنے آیا ہے، جس سے وسیع تر علاقائی تنازعے کے خدشات بڑھ گئے ہیں۔ اسرائیل نے اس آپریشن کو ’رائزنگ لاینس‘ کا نام دیا ہے۔
Moments ago, Israel launched Operation “Rising Lion”, a targeted military operation to roll back the Iranian threat to Israel’s very survival.
This operation will continue for as many days as it takes to remove this threat.
——
Statement by Prime Minister Benjamin Netanyahu: pic.twitter.com/XgUTy90g1S
— Benjamin Netanyahu – בנימין נתניהו (@netanyahu) June 13, 2025
حفاظتی پروٹوکول پر عمل کرنے کا مشورہ
سوشل میڈیا پر ہندوستانی مشن نے اسرائیل میں رہنے یا سفر کرنے والے ہندوستانی شہریوں کے لئے احتیاط اور تیاری کی اہمیت پر زور دیا ہے۔ اسرائیل میں ہندوستانی سفارت خانے نے ایکس پوسٹ میں لکھا، ’’خطے کی موجودہ صورت حال کو دیکھتے ہوئے اسرائیل میں تمام ہندوستانی شہریوں کو محتاط رہنے اور اسرائیلی حکام اور ہوم فرنٹ کمانڈ کی طرف سے تجویز کردہ حفاظتی پروٹوکول پر عمل کرنے کا مشورہ دیا جاتا ہے۔ براہ کرم احتیاط برتیں، ملک میں غیر ضروری سفر سے بچیں اور حفاظتی پنا گاہوں کے قریب رہیں۔‘‘
مشن کے ساتھ رابطے میں رہنے کا مشورہ
سفارت خانے نے ہندوستانی شہریوں کو سرکاری چینلز کے ذریعے اپ ڈیٹ رہنے اور کسی بھی ہنگامی صورت حال میں مشن کے ساتھ رابطے میں رہنے کا بھی مشورہ دیا۔ یہ ایڈوائزری اس وقت سامنے آئی ہے جب اسرائیل نے ایران پر اس کے قبل از وقت حملے کے بعد خصوصی ہنگامی حالت کا اعلان کیا۔ صورت حال بدستور غیر مستحکم ہے۔ تہران میں دھماکوں کی اطلاع ملی ہے۔ اسرائیل بھر میں حفاظتی اقدامات میں اضافہ کر دیا گیا ہے۔
بنجمن نیتن یاہو نے کی حملے کی تصدیق
یہ حملے تہران کے جوہری پروگرام اور اسرائیل کی قومی سلامتی کے لیے اس کے مبینہ خطرے پر بڑھتے ہوئے خدشات کے درمیان ہوئے ہیں۔ ایک ٹیلی ویژن بیان میں اسرائیلی وزیر اعظم بنجمن نیتن یاہو نے حملے کی تصدیق کی۔ ایک ٹیلی ویژن بیان میں اسرائیلی وزیر اعظم بنجمن نیتن یاہو نے حملے کی تصدیق کی۔ انہوں نے اسے اسرائیل کے وجود کے لیے ضروری اور ایرانی خطرے کو کم کرنے کو لے کر ’ٹارگٹڈ ملٹری آپریشن‘ قرار دیا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
