آسٹریلیا کے نائب وزیر اعظم اور وزیر دفاع رچرڈ مارلس نے بدھ کو پہلگام میں حالیہ دہشت گردانہ حملے کی سخت مذمت کی اور دہشت گردی کے خلاف جنگ میں ہندوستان کے ساتھ یکجہتی کا اظہار کیا۔ رچرڈ مارلس نے، جو 3 سے 4 جون تک ہندوستان کے سرکاری دورے پر ہیں، نئی دہلی میں وزیر دفاع راج ناتھ سنگھ کے ساتھ دو طرفہ میٹنگ بھی کی۔ اس میٹنگ میں دونوں لیڈران نے علاقائی سلامتی، دفاعی تعاون اور دہشت گردی کے خلاف مشترکہ اقدامات پر تبادلۂ خیال کیا۔
وزارت دفاع نے ایک بیان جاری کرتے ہوئے کہا ہے کہ ’’وزیر دفاع نے سرحد پار دہشت گردی کے خلاف اپنے دفاع میں جواب دینے کے ہندوستان کے حق کو اجاگر کیا۔۔۔دونوں فریقوں نے دہشت گردی کی تمام شکلوں سے نمٹنے کے لیے مل کر کام کرنے پر اتفاق کیا۔‘‘ اس درمیان وزیر دفاع راج ناتھ سنگھ اور رچرڈ مارلس نے آسٹریلیا-ہندوستان مشترکہ تحقیقی پروجیکٹ پر دستخط کا بھی خیر مقدم کیا اور دفاعی صنعت میں تعاون کو تیز اور متنوع بنانے پر اتفاق کیا۔
متعدد مسائل پر ہوئی بات چیت
دونوں لیڈران نے نومبر 2023 میں منعقدہ آخری 2+2 وزارتی مذاکرات کے بعد ہونے والی پیش رفت کا بھی جائزہ لیا اور 2+2 ڈائیلاگ کے تیسرے ایڈیشن کے لیے اس سال کے آخر میں آسٹریلیا میں ہونے والی اپنی آئندہ میٹنگ کے دوران دفاعی سائنس اور ٹیکنالوجی کے تعاون کو آگے بڑھانے کے منصوبوں پر تبادلۂ خیال کیا۔
Reviewed the full range of the India- Australia defence partnership during the extremely fruitful meeting with Australia’s Deputy Prime Minister and Defence Minister @RichardMarlesMP in New Delhi.
His personal commitment and leadership in strengthening bilateral defence… pic.twitter.com/VSGAEyBOQN— Rajnath Singh (@rajnathsingh) June 4, 2025
وزارت دفاع کے مطابق اس بات چیت میں اسٹریٹجک اور سیکیورٹی تعاون، سائبر اور ابھرتی ہوئی ٹیکنالوجیز، دفاعی صنعت میں شراکت داری، ہائیڈروگرافی، میری ٹائم سیکیورٹی اور انسداد دہشت گردی سمیت مسائل کے وسیع دائرہ کار کا احاطہ کیا گیا۔ دونوں فریقین نے باہمی تشویش کے حامل علاقائی اور عالمی چیلنجز پر بھی تبادلۂ خیال کیا۔
دریں اثنا 2020 میں آج ہی کے دن دستخط کیے گئے آسٹریلیا-ہندوستان جامع اسٹریٹجک پارٹنرشپ کی پانچویں سالگرہ بھی نئی دہلی میں آسٹریلیا ہائی کمیشن کے زیر اہتمام ایک استقبالیہ میں منائی گئی۔ اس تقریب سے خطاب کرتے ہوئے آسٹریلیا کے ہائی کمشنر فلپ گرین نے اسے ایک تاریخی سنگ میل قرار دیا۔ انھوں نے کہا کہ ’’ان پانچ سالوں کے دوران ہمارے ممالک اسٹریٹجک صف بندی، اقتصادی تکمیل اور عوام سے عوام کے متحرک روابط کے ذریعے اکٹھے ہوئے ہیں۔ اگلے پانچ سالوں کے لیے ہمارے اور بھی بڑے عزائم ہیں۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
