ایک طرف پہلگام دہشت گردانہ حملہ کا جواب ہندوستانی فوج نے ’آپریشن سندور‘ کے ذریعہ دیا ہے، اور دوسری طرف پہلگام میں ہلاک ہونے والوں کے کنبہ کو مختلف اداروں کے ذریعہ معاوضہ دینے کا سلسلہ بھی جاری ہے۔ تازہ ترین اطلاعات کے مطابق نیشنل اسٹاک ایکسچینج (این ایس ای) نے جموں و کشمیر کے پہلگام میں 22 اپریل 2025 کو ہوئے دہشت گردانہ حملے کے شکار لوگوں کے تئیں گہری ہمدردی ظاہر کی ہے۔
ادارہ ہر کنبہ کو 4-4 لاکھ روپے کی مالی مدد دے گا
اس حملے میں ہلاک ہونے والوں کے کنبہ کی حمایت کے لیے این ایس ای نے مجموعی طور پر ایک کروڑ روپے کی معاشی مدد کا اعلان کیا ہے۔ یہ ادارہ ہر ایک مہلوکین کے کنبہ کو 4-4 لاکھ روپے کی مالی مدد دے گی۔ اس پیش قدمی کے ذریعہ این ایس ای نے غم کے اس وقت میں ملک کے ساتھ اپنی یکجہتی کا پیغام دیا ہے۔ این ایس ای کے منیجنگ ڈائریکٹر اور چیف ایگزیکٹیو افسر آشیش چوہان کا اس تعلق سے کہنا ہے کہ وہ اس مشکل وقت میں متاثرہ کنبوں کے ساتھ مضبوطی سے کھڑے ہیں۔
Press Release: NSE Stands in Solidarity with the Victims of the Pahalgam Terror Attack; Pledges Support. Follow the Link to know more- https://t.co/2JcJdKCNG8#NSE #NSEIndia #PressRelease #PahalgamTerrorAttack #NSEstandsinsolidarity #Pledgesupport @ashishchauhan pic.twitter.com/C1croyrb7G
— NSE India (@NSEIndia) April 25, 2025
نیشنل اسٹاک ایکسچینج نے باقاعدہ پریس ریلیز جاری کیا
آشیش چوہان نے متاثرہ کنبوں کے تئیں اپنی ہمدردی ظاہر کرتے ہوئے کہا کہ ان کے ساتھ جو کچھ ہوا، وہ غمناک ہے۔ ہماری پوری ہمدردی اور حمایت متاثرہ کنبوں کے ساتھ ہے۔ ہم ان کی مدد کے لیے ہر ممکن قدم اٹھائیں گے۔ نیشنل اسٹاک ایکسچینج نے اس سلسلے باقاعدہ پریس ریلیز جاری کر جانکاری دی ہے۔
ایل آئی سی نے بھی کیا مالی امداد کا کیا تھا اعلان
اس سے قبل ایل آئی سی نے بھی متاثرہ کنبوں کی مدد کے لیے ہاتھ آگے بڑھایا تھا۔ ایل آئی سی نے اعلان کیا ہے کہ وہ مالی امداد فراہم کرنے کے لیے دعووں کے نمٹان کو ترجیح دے گی۔ ایل آئی سی نے اپنے بیان میں کہا ہے کہ پہلگام میں 22 اپریل کو ہوئے دہشت گردانہ حملے میں معصوم لوگوں کی جان جانے سے ہمیں گہرا غم ہوا ہے۔ ایل آئی سی نے بھی اس تعلق سے پریس ریلیز جاری کی تھی اور متاثرہ کنبوں کے تئیں اپنی ہمدردی کا اظہار بھی کیا تھا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
