غیرت کے نام پر ہوا بیٹی کا قتل ،سوٹ کیس میں ملی لاش
بھارت ایکسپریس/ اترپردیش کے متھرا ضلع میں یمنا ایکسپریس وے کے کنارے سرخ رنگ کے سوٹ کیس میں لڑکی کی لاش ملنے کا معاملہ سامنے آیا ہے۔ یہ سارا معاملہ غیرت کے نام پر قتل سے جڑا ہوا ہے۔ دراصل، دہلی کے بدر پور تھانے کے تحت مولڑبندکی رہنے والی 22 سالہ آیوشی کو اس کے ہی والد نے گولی مار کر ہلاک کر دیا تھا۔ پولیس نے ملزم کو گرفتار کر لیا ہے جس نے دوران تفتیش جرم کا اعتراف کر لیا ہے۔
موصولہ اطلاع کے مطابق متھرا کے تھانہ رایا علاقے میں یمنا ایکسپریس وے رایا کٹ کے نزدیک رایا متھرا روڈ پر ایک لڑکی کی لاش پڑی ہوئی ملی۔ باڈی کے ہاتھوں، ٹانگوں، سر پر چوٹوں کے نشان تھے جبکہ سینے میں گولی کا زخم تھا۔ آس پاس کے کئی سی سی ٹی وی فوٹیجز کو دوبارہ چیک کیا گیا۔ معاملے کی تحقیقات کے لیے تقریباً 8 پولیس ٹیمیں تشکیل کی گئیں۔ پولیس آگرہ، علی گڑھ، نوئیڈا، متھرا، فرید آباد، گروگرام پہنچی۔
پولیس کے مطابق مسلسل تفتیش کے باعث پولیس کو سراغ مل گئے۔وہ گزشتہ 4 دنوں سے لاپتہ تھی لیکن حیرانی کی بات یہ ہے کہ اس سلسلے میں پولیس میں کوئی شکایت درج نہیں کرائی گئی۔ سخت پوچھ گچھ میں والد نے قتل کا اعتراف کرلیا۔ یہ خاندان بنیادی طور پر گورکھپور کا رہنے والا ہے۔
اس سے پہلے جب گھر والوں کو بیٹی کی موت کا علم ہوا تو گھر والے دھاڑیں مار مار کر رونے لگے۔ ایس پی سٹی مرتنڈ پرتاپ سنگھ نے بتایا کہ متھرا آنے کے بعد متوفی لڑکی کی شناخت اس کی ماں اور بھائی نے کی۔ انہوں نے بتایا کہ متوفی دہلی کے بدر پور تھانہ علاقے کی رہنے والی تھی اور 17 نومبر کو گھر سے نکلی تھی اور اگلے دن 18 نومبر کو متھرا میں اس کی لاش ٹرالی بیگ سے ملی۔
متوفی کے لواحقین اپنی بیٹی کی لاش لینے متھرا پہنچے۔ واقعہ کے بارے میں جانکاری دیتے ہوئے ایس پی سٹی ایم پی سنگھ نے بتایا کہ ایک لڑکی کی لاش سرخ رنگ کے ٹرالی بیگ میں پولی تھین میں لپٹی ہوئی ملی۔ اس کے رشتہ داروں نے آکر لڑکی کی شناخت کر لی ہے۔
