آپریشن سندور میں ہلاک ہوئے دہشت گردوں کی فہرست سامنے آگئی ہے۔
ہندوستان نے بدھ کی رات دیر گئے پاکستان اور پاکستان کے زیر قبضہ کشمیر (پی او کے) میں دہشت گردوں کے ٹھکانوں پر فضائی حملہ کیا۔ یہ کارروائی ’آپریشن سندور‘ کے تحت کی گئی اور خاص بات یہ تھی کہ اس میں تینوں افواج، انڈین آرمی، نیوی اور ایئر فورس نے مشترکہ طور پر حصہ لیا۔ 1971 کی جنگ کے بعد یہ پہلا موقع تھا، جب بھارت کی تینوں افواج نے مل کر پاکستان کے خلاف کارروائی کی۔
بھارتی فوج نے 100 کلومیٹر اندر گھس کر مارا
پاکستان اور پی او کے میں جن 9 مقامات پر بھارت نے فضائی حملے کیے ان میں سے کچھ بین الاقوامی سرحد سے 100 کلومیٹر کے فاصلے پر واقع ہیں۔ خاص طور پر بہاولپور جو کبھی جیش محمد کے گڑھ کے طور پر جانا جاتا تھا، بین الاقوامی سرحد سے 100 کلومیٹر دور واقع ہے۔ جب کہ مریدکے 30 کلومیٹر اور گلپور 35 کلومیٹر کے فاصلے پر واقع ہے۔
دہشت گردوں کے ٹھکانوں پر براہ راست حملہ
اس آپریشن میں دہشت گردوں کے 9 ٹھکانوں کو نشانہ بنایا گیا۔ ان میں جیش محمد کا بہاولپور ہیڈکوارٹر اور لشکر طیبہ کا مریدکے ٹھکانا شامل ہے۔ فوج کے مطابق ان مقامات سے ہندوستان میں دہشت گردانہ حملوں کی منصوبہ بندی کی جارہی تھی اور انہیں نشانہ بنایا گیا۔
حملہ کیسے ہوا؟
اس آپریشن میں تینوں افواج نے اپنے جدید ترین ہتھیاروں کا استعمال کیا۔ خاص طور پر، کامیکاز ڈرونز (لوئٹرنگ ایمونیشن) استعمال کیے گئے۔ یہ ایسے ہتھیار ہیں جو براہ راست دشمن کے ہدف کو نشانہ بناتے ہیں اور وہاں دھماکے کرتے ہیں۔ فوج نے واضح کیا کہ پاکستانی فوج کے کسی بیس پر حملہ نہیں کیا گیا، صرف دہشت گردوں کے ٹھکانوں کو نشانہ بنایا گیا۔
بھارت نے پاکستان کو دیا زبردست منہ توڑ جواب
ہندوستانی فوج نے یہ بھی کہا کہ آپریشن کافی کامیاب رہا ۔ ہندوستان نے اہداف کا انتخاب کرتے ہوئے بہت احتیاط سے کام لیا اور صرف دہشت گردوں کے ڈھانچے پر حملہ کیا۔ یہ قدم پہلگام دہشت گردانہ حملے کے بعد اٹھایا گیا ہے، جس میں 25 ہندوستانی اور ایک نیپالی شہری کی جان گئی تھی۔
پی ایم مودی اور این ایس اے ڈوول کررہے ہیں نگرانی
ذرائع کے مطابق وزیر اعظم نریندر مودی نے خود رات بھر آپریشن کی نگرانی کی۔ آپریشن مکمل ہوتے ہی قومی سلامتی کے مشیر اجیت ڈوول نے امریکی این ایس اے اور وزیر خارجہ مارکو روبیو کو مکمل معلومات فراہم کیں۔ اس سے یہ بھی واضح ہوتا ہے کہ اس بار ہندوستان سیاسی اور سفارتی محاذ پر بھی پوری طرح ایکٹیو ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
