انگولہ کے صدر لارینسو کا ہفتہ کو راشٹرپتی بھون کے صحن میں رسمی طور پر گارڈ آف آنر کے ساتھ استقبال کیا گیا۔ اس تقریب میں صدر دروپدی مرمو، وزیر اعظم نریندر مودی اور وزیر خارجہ ایس جے شنکر سمیت دیگر سینئر شخصیات نے شرکت کی۔ صدر لارینسو ایک روز قبل ریاستی دورے پر نئی دہلی پہنچے تھے۔ ان کے ساتھ ایک اعلیٰ سطحی وفد بھی ہے، جس میں سینئر وزراء، حکام اور کاروباری نمائندے شامل ہیں۔
وزیر مملکت کیرتی وردھن سنگھ نے ہوائی اڈے پر کیا پرتپاک استقبال
سوشل میڈیا پلیٹ فارم ایکس پر اطلاع دیتے ہوئے وزارت خارجہ کے ترجمان رندھیر جیسوال نے اس دورے کو ہندوستان-انگولہ تعلقات کو مضبوط بنانے میں ایک اہم قدم قرار دیا۔ وہیں صدر لارینسو نے اس بات پر روشنی ڈالی کہ ان کا ہندوستان کا یہ سرکاری دورہ 38 سالوں میں کسی انگولہ صدر کا پہلا دورہ ہے اور ہندوستان-انگولہ دوستی اور تعاون کے رشتوں کو مزید تقویت دینے کی جانب ایک اہم قدم ہے۔
انhوں نے ہندوستانی عوام کی طرف سے پرتپاک استقبال اور مہمان نوازی کا بھی دلی شکریہ ادا کیا۔ یہ دورہ 1985 میں ہندوستان اور انگولہ کے درمیان سفارتی تعلقات کے قیام کی 40 ویں سالگرہ کے موقع پر ہو رہا ہے۔ گزشتہ کئی دہائیوں کے دوران دونوں ممالک نے تجارت، ترقی اور سفارتی تعاون میں مضبوط تعلقات استوار کیے ہیں۔ انگولہ اس وقت 2025 کے لیے افریقی یونین کے چیئر کے طور پر خدمات انجام دے رہا ہے۔
کلیدی شعبوں میں متوقع معاہدے
امکان ہے کہ صدر لارینسو اپنے دورے کے دوران متعدد مفاہمت کی یادداشتوں پر دستخط کریں گے، جن میں روایتی ادویات، زراعت اور ثقافتی تعاون شامل ہیں۔ ان معاہدوں کا مقصد ان شعبوں میں تعاون کو گہرا کرنا ہے جو دونوں ممالک کی معیشتوں کو فائدہ پہنچاتے ہیں اور ترقی اور اختراع کی مشترکہ اقدار کو فروغ دیتے ہیں۔ ہندوستان اور انگولہ کے درمیان دو طرفہ تجارت 2023-24 میں $4.192 بلین تک پہنچ گئی ہے۔ دونوں ممالک بین الاقوامی پلیٹ فارمز پر بھی قریبی تعاون کرتے ہیں اور اقوام متحدہ جیسے فورمز میں مسلسل ایک دوسرے کی حمایت کرتے ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
