-->
وزیراعظم نریندر مودی نے جمعہ، 4 اپریل 2025 کو چیترانوراتری کے ساتویں دن قوم کے نام اپنے پیغام میں کہا کہ ماں جگدمبے کی کرپا اپنے بھکتوں کی زندگیوں میں خوشیوں کا نیا سورج لے کر آتی ہے۔ انہوں نے اس موقع پر اپنے ایکس ہینڈل پر ایک پوسٹ میں لیجنڈری گلوکارہ لتا منگیشکر کا ایک بھکتی گیت “آج تیرا جگراتا” شیئر کیا اور کہا کہ “نوراتری میں دیوی ماں کے لیے لتا دیدی کی یہ ستتی ہر کسی کے لیے ایک نئی توانائی کا باعث بنے گی۔
मां जगदम्बे की कृपा उनके भक्तों के जीवन में खुशियों का नया सवेरा लेकर आती है। नवरात्रि में देवी मां के लिए लता दीदी की यह स्तुति हर किसी के लिए एक नई ऊर्जा का संचार करने वाली है…https://t.co/hSQ9YMv08W
— Narendra Modi (@narendramodi) April 4, 2025
نوراتری کے ساتویں دن کی اہمیت
چیت نوراتری، جو کہ نو راتوں پر مشتمل ایک ہندو تہوار ہے، دیوی درگا اور ان کے نو اوتاروں، جنہیں اجتماعی طور پر نو درگا کہا جاتا ہے، کی عبادت کے لیے منایا جاتا ہے۔ ساتویں دن، دیوی درگا کو ماں کالرتری کے روپ میں پوجا جاتا ہے، جو کہ شر کے خاتمے والی شکتی کے طور پر جانی جاتی ہیں۔ ماں کالرتری کو سب سے زیادہ خوفناک روپ مانا جاتا ہے، اور ان کی سیاہ رنگت ان کی شدید اور ناقابل تسخیر فطرت کی عکاسی کرتی ہے۔ انہیں چار ہاتھوں والی دیوی کے طور پر دکھایا جاتا ہے، جو خوف اور تحفظ دونوں کی علامت ہیں۔ ان کا دایاں اوپری ہاتھ اپنے بھکتوں کو وردان دیتا ہے، جبکہ نیچے والا دایاں ہاتھ تحفظ اور بے خوفی کی علامت ہے۔ بائیں اوپری ہاتھ میں وہ تلوار تھامتی ہیں، اور بائیں نیچے والے ہاتھ میں ایک لوہے کا گرز ہوتا ہے، جسے وہ شر کے خاتمے کے لیے استعمال کرتی ہیں۔
एकवेणी जपाकर्णपूरा नग्ना खरास्थिता।
लम्बोष्ठी कर्णिकाकर्णी तैलाभ्यक्तशरीरिणी॥
वामपादोल्लसल्लोहलताकण्टकभूषणा।
वर्धनमूर्धध्वजा कृष्णा कालरात्रिर्भयङ्करी॥आदिशक्ति माँ दुर्गा की सप्तम स्वरूप, दुष्टों की संहारक, माँ कालरात्रि भक्तों को शुभ फल प्रदान करने वाली हैं।
माँ भगवती की… pic.twitter.com/uf3NHJfyQF
— Yogi Adityanath (@myogiadityanath) April 3, 2025
اتر پردیش کے وزیراعلیٰ کا پیغام
اتر پردیش کے وزیراعلیٰ یوگی آدتیہ ناتھ نے بھی اس موقع پر بھکتوں کو مبارکباد دیتے ہوئے اپنے ایکس ہینڈل پر ایک پیغام شیئر کیا۔ انہوں نے لکھا، “ماں بھگوتی کی کرپا سے پوری دنیا خوشی، امن، خوشحالی اور مثبتیت سے بھر جائے۔ یہ میری دعا ہے۔ جے ماں کالرتری!” انہوں نے اپنے پیغام میں پوری دنیا کے لیے خوشحالی کی دعا کی۔واضح رہے کہ ملک بھر میں نوراتری بڑے جوش و خروش کے ساتھ منائی جا رہی ہے۔ ہزاروں بھکت مختلف مندروں میں دعائیں ادا کرنے کے لیے جمع ہو رہے ہیں۔ دہلی کے جھنڈے والان مندر اور کلکا جی مندر میں صبح کے آرتی کے دوران بڑی تعداد میں بھکتوں نے شرکت کی۔ ایودھیا میں رام مندر اور ہنومان گڑھی میں بھی بھکتوں کا تانتا بندھا ہوا ہے۔ جموں و کشمیر کے کٹرا میں واقع ماں ویشنو دیوی مندر میں بھی نوراتری کے آغاز سے ہی ہزاروں زائرین دعائیں ادا کرنے کے لیے پہنچ رہے ہیں۔ انتظامیہ نے زائرین کی حفاظت اور سہولت کے لیے وسیع انتظامات کیے ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
