بہار میں اس سال کے آخر میں اسمبلی انتخابات ہونے ہیں لیکن تمام سیاسی پارٹیوں نے پہلے ہی ایک دوسرے پر زبانی حملے تیز کر دیے ہیں۔ اب بہار کے سابق نائب وزیر اعلیٰ اور آر جے ڈی لیڈر تیجسوی یادو نے نتیش کمار کی حکومت کا موازنہ ‘کھٹارہ گاڑی’ سے کیا ہے۔پٹنہ میں جلسہ عام سے خطاب کرتے ہوئے تیجسوی یادو نے اپنے انداز میں لوگوں سے کہا کہ جب ریٹائرمنٹ کی عمر 60 سال ہے تو پھر بہار کو 75 سال کے وزیر اعلیٰ کی کیا ضرورت ہے؟ انہوں نے کہا کہ جب حکومت 15 سال پرانی گاڑی چلانے کی اجازت نہیں دیتی تو پھر بہار کو 25 سال پرانا وزیر اعلیٰ کیوں ملے۔
#WATCH | Patna, Bihar | RJD leader Tejashwi Yadav says, “Now we don’t want an inefficient government. The retirement age is 60 years. Do you want a 75-year-old chief minister?… Now the time has come, we have to take Bihar forward with a new vehicle, not with ‘khatara gaadi’…” pic.twitter.com/m8WDNBv7cB
— ANI (@ANI) March 5, 2025
آر جے ڈی کے حامیوں سے خطاب کرتے ہوئے انہوں نے کہاکہ اب ہم ایک نکمی حکومت نہیں چاہتے۔ انہوں نے اپنے حامیوں سے پوچھاکہ اگر آپ کوئی گاڑی بھی خریدتے ہیں، نئی گاڑی… کیا 15 سال میں وہ گاڑی کھٹارہ بن جاتی ہے یا نہیں؟ حکومت اسے چلانے کی اجازت دیتی ہے…کیوں نہیں دیتی؟ کیونکہ گاڑی دھنواں چھوڑنے لگتی ہے، آلودگی پھیلاتی ہے۔تیجسوی یادو نے کہا کہ اگر ایک ہی برانڈ کا ایک ہی بیج بیس سال تک ایک ہی کھیت میں جوتیں گے تو اس سے نہ صرف زمین بلکہ فصل بھی برباد ہو جائے گی۔ اس لیے اب وقت آگیا ہے کہ بہار کو پرانی گاڑی میں نہیں بلکہ نئی گاڑی میں تیز رفتاری سے آگے لے جایا جائے۔
پروگرام کے بعد میڈیا سے بات کرتے ہوئے تیجسوی یادو نے کہا کہ بہار میں ریٹائرڈ افسران کے ساتھ ایک کھٹارہ وزیر اعلیٰ ہیں۔ ان سے کوئی توقع نہیں کی جا سکتی۔ انہوں نے کہا کہ کل نتیش کمار نے اسمبلی میں کہا کہ انہوں نے لالو یادو کو وزیر اعلیٰ بنایا ہے۔ بھول جائیں کہ نتیش کمار کیا کہتے ہیں… لیکن نتیش کمار کو یاد رکھنا چاہیے کہ ان سے پہلے میرے والد دو بار ایم ایل اے اور ایک بار ایم پی منتخب ہوئے تھے۔ لالو یادو کو بھول جائیں، لالو جی نے کئی وزیر اعظم بنائے ہیں۔ میں نے ہی انہیں (نتیش کمار)دو بار وزیر اعلیٰ بنایا اور ان کی پارٹی کو بچایا… ریاست میں ایک تھکا ہوا وزیر اعلیٰ ہے جس میں ریٹائرڈ افسران ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
