CM Yogi on Abu Asim Azmi: ’ابوعاصم اعظمی کو یوپی بھیج دو، علاج کردیں گے‘، اورنگ زیب تنازعہ کی وجہ سے معطل کئے گئے سماجوادی لیڈر پروزیراعلیٰ یوگی آدتیہ ناتھ کا متنازعہ بیان

CM Yogi in UP Assembly: مہاراشٹرمیں سماجوادی پارٹی کے سربراہ اوررکن اسمبلی ابوعاصم اعظمی کے ذریعہ مغل حکمراں اورنگ زیب کے موضوع پر دیئے بیان پراترپردیش میں بھی سیاست جاری ہے۔ وزیراعلی یوگی آدتیہ ناتھ نے یوپی قانون سازاسمبلی کے بجٹ اجلاس کے آخری دن قانون سازکونسل میں اس موضوع پرتبصرہ کیا۔

وزیراعلیٰ یوگی آدتیہ ناتھ نے کہا کہ سماجوادی پارٹی اورنگ زیب کوآئیڈیل مان رہی ہے۔ اورنگ زیب کا والد شاہجہاں اپنی سوانح میں لکھتا ہے کہ خدا کرے کہ ایسا کمبخت کسی کو پیدا نہ ہو۔ اس نے آگرہ کے قلعہ میں اپنے باپ کوقید کرکے رکھا۔ اس کمبخت کونکالو پارٹی سے۔ اس کوایک بار یوپی بھیج دو، علاج ہم کردیں گے۔ کیا اس کو ہندوستان کے اندر رہنے کا اختیارہونا چاہئے؟ سماجوادی پارٹی کو اس پر جواب دینا چاہئے کہ ابوعاصم اعظمی کو پارٹی سے کیوں نہیں نکالتے؟

#WATCH | Lucknow: On Samajwadi party MLA Abu Azmi’s statement on Aurangzeb, which he later withdrew, UP CM Yogi Adityanath says, ” Remove that person from (Samajwadi) party and send him to UP, we will do his treatment. The person who feels ashamed about the heritage of… pic.twitter.com/SHXClYoyaz

— ANI (@ANI) March 5, 2025

یوگی آدتیہ ناتھ نے کہا کہ سماجوادی پارٹی کے دوستوں سے کہنا چاہتا ہوں کہ ہندوستان کی وراثت پرآپ کو فخرنہیں ہے توکم ازکم آپ کو رام منوہرلوہیا کی بات سننی چاہئے تھی۔ انہوں نے کہا تھا کہ ہندوستان کے اتحاد کی تین بنیادیں ہیں- بھگوان رام، بھگوان شیواوربھگوان کرشن۔

یہ بھی پڑھیں:  Abu Asim Azmi Suspended: ابوعاصم اعظمی بجٹ سیشن سے معطل، اورنگ زیب کی تعریف کے بعد کی گئی کارروائی

وزیراعلیٰ یوگی آدتیہ ناتھ نے کہا کہ ڈاکٹررام منوہرلوہیا عظیم سوشلسٹ تھے۔ آج سماج وادی پارٹی لوہیا جی کے خیالات سے بہت دور چلی گئی ہے۔ آج ہندوستان کی وراثت پرلعنت بھیجنا سماج وادی پارٹی کا مقصد بن گیا ہے۔ انہوں نے کہا کہ سماجوادی پارٹی اورنگ زیب کوآئیڈیل مان رہی ہے۔ اورنگ زیب کا والد شاہجہاں اپنی سوانح میں لکھتا ہے کہ خدا کرے کہ ایسا کمبخت کسی کوپیدا نہ ہو۔ اس نے آگرہ کے قلعہ میں اپنے باپ کوقید کرکے رکھا۔