ابوعاصم اعظمی کو مہاراشٹر اسمبلی کے بجٹ سیشن سے معطل کردیا گیا ہے۔
Abu Asim Azmi Suspended: مغل حکمراں اورنگ زیب کی تعریف کرنے کی وجہ سے تنازعہ کا شکار ہوئے مہاراشٹرسماجوادی پارٹی کے صدراوررکن اسمبلی ابوعاصم اعظمی کواسمبلی سے معطل کردیا گیا ہے۔ انہیں آج پورے بجٹ سیشن سے معطل کردیا گیا ہے۔ نائب وزیراعلیٰ اورشیوسینا سربراہ ایکناتھ شندے نے کہا تھا کہ ان پر معطلی کی کارروائی ہوگی۔
مہاراشٹرکے نائب وزیراعلیٰ ایکناتھ شندے نے منگل (5 مارچ) کو کہا تھا کہ ابوعاصم اعظمی کا یہ بیان مہاراشٹرکے مذہبی جذبے کوٹھیس پہنچاتا ہے اوراس کے لئے انہیں سخت سزا دی جائے گی۔ ان کے خلاف سخت کارروائی کی جائے گی اورانہیں معطل کیا جائے گا۔
Maharashtra Assembly Update | SP MLA Abu Azmi suspended from the Budget Session of the House over his statement on Aurangzeb.
A motion against him was moved in the House by Maharashtra Parliamentary Affairs Minister Chandrakant Patil in the House. The House passed the motion.… pic.twitter.com/0OJ0OYVkHN
— ANI (@ANI) March 5, 2025
ابوعاصم اعظمی نے مانگی تھی معافی
واضح رہے کہ سماجوادی پارٹی کے رکن اسمبلی ابوعاصم اعظمی نے منگل (5 مارچ) کو اورنگ زیب سے متعلق دیئے گئے اپنے بیان کو واپس لیتے ہوئے معافی مانگ لی تھی۔ ابوعاصم اعظمی نے اپنے بیان پرصفائی دیتے ہوئے سوشل میڈیا پلیٹ فارم ایکس پرلکھا، “میرے الفاظ کوتوڑمروڑرکردکھایا گیا ہے۔ اورنگ زیب کے بارے میں میں نے وہی کہا ہے، جو مؤرخین اور رائٹروں نے کہا ہے۔
مان کھرد شیواجی نگرسے رکن اسمبلی ابوعاصم اعظمی نے مزید لکھا، “میں نے چھترپتی شیواجی مہاراج، سنبھاجی مہاراج یا دیگرکسی بھی عظیم شخصیات کے بارے میں کوئی توہین آمیزتبصرہ نہیں کیا ہے۔ تاہم پھربھی میری اس بات سے کسی کوتکلیف ہوئی ہے تومیں اپنے الفاظ اوراپنا بیان واپس لیتا ہوں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
