پھر سے 'شدید زمرہ' میں پہنچی دہلی میں فضائی آلودگی، 400 سے تجاوز کر گیا AQI
Delhi Air Pollution: دارالحکومت دہلی میں فضائی آلودگی لوگوں کی جان لینے پر تلی ہوئی ہے۔ ہفتے کی صبح جب لوگ بیدار ہوئے تو انہیں آسمان پر اسموگ کی ایک موٹی تہہ نظر آئی۔ دہلی میں گریپ 4 لاگو کیا گیا ہے۔ مرکزی اور دہلی حکومتوں کو سپریم کورٹ کی طرف سے لگاتار پھٹکار لگائی جا رہی ہے۔ اس کے باوجود دہلی میں فضائی آلودگی کی سطح میں کوئی خاص کمی نہیں آئی ہے۔ دارالحکومت دہلی کا اے کیو آئی ایک بار پھر شدید زمرے میں پہنچ گیا ہے۔ AQI ڈیٹا CPCB کی طرف سے دہلی میں صبح 8 بجے جاری کیا گیا۔ اس کے مطابق دہلی میں AQI 420 ریکارڈ کیا گیا ہے۔
دہلی میں کیا ہے AQI؟
دہلی کے مختلف علاقوں میں مختلف AQI ریکارڈ کیا گیا ہے۔ آنند وہار میں 457 AQI، اشوک وہار میں 455، چاندنی چوک میں 439، آر کے پورم میں 421 ریکارڈ کیا گیا ہے جو شدید زمرے کی نشاندہی کرتا ہے۔ واضح رہے کہ 0-5 AQI کو اچھا، 51-100 AQI کو تسلی بخش، 101-200 AQI کو معتدل، 201-300 کو خراب، 301-400 کو بہت خراب اور 401-500 AQI کو شدید سمجھا جاتا ہے۔ جب AQI اس سے اوپر جاتا ہے، تو اسے انتہائی سنگین کے زمرے میں رکھا جاتا ہے۔ اسموگ کی وجہ سے دہلی آنے اور جانے والی ٹرینوں کو بھی کافی پریشانی کا سامنا کرنا پڑ رہا ہے۔ آنند وہار ٹرمینل سے دانا پور جانے والی جن سادھارن ایکسپریس ٹرین 661 منٹ کی تاخیر سے چلی۔ جبکہ حضرت نظام الدین ہمسفر ایکسپریس 110 منٹ لیٹ رہی۔ دوسری جانب رونیچہ ایکسپریس 24 منٹ تاخیر سے چل رہی ہے۔
یہ بھی پڑھیں- Sambhal (UP): سنبھل میں زبردست ہنگامہ، سروے کے لیے جامع مسجد پہنچی ٹیم پر پتھراؤ، ڈی ایم-ایس پی موقع پر موجود
گوپال رائے نے کیا معائنہ
قابل ذکر ہے کہ اکتوبر کے مہینے میں، AQI 371 ریکارڈ کیا گیا تھا، جو کہ انتہائی خراب زمرے کی نشاندہی کرتا ہے۔ 22 نومبر کو، دہلی حکومت کے وزیر ماحولیات گوپال رائے نے نریلا-سنگھو سرحد پر گریپ 4 کے قواعد کی جانچ کی۔ گریپ 4 کے نفاذ کے بعد، BS4 رجسٹرڈ ڈیزل سے چلنے والی درمیانے سائز کے سامان کی گاڑیوں اور بھاری سامان کی گاڑیوں کے دہلی میں داخلے پر پابندی ہے۔ صرف ان گاڑیوں کو دہلی میں داخل ہونے کی اجازت ہے جو ضروری سامان لے کر جارہی ہیں۔ اس بارے میں گوپال رائے نے کہا کہ اے اے پی حکومت آلودگی کی سطح کو کم کرنے میں لگی ہوئی ہے۔ فضائی آلودگی پیدا کرنے والی گاڑیوں کے دہلی میں داخلے پر پابندی ہے۔
-بھارت ایکسپریس
