مرکز نے اعلیٰ تعلیم میں تحقیق کو فروغ دینے کے لیے PAIR پروگرام شروع کیا
ہندوستانی حکومت نے جمعرات کو “Partnership for Accelerated Innovation and Research” (PAIR) پروگرام کا آغاز کیا۔ یہ پروگرام ملک بھر کے اعلیٰ تعلیمی اداروں (HEIs) میں تحقیقی صلاحیتوں کو بڑھانے کے لیے ڈیزائن کیا گیا ہے، خاص طور پر وہ ادارے جن کی تحقیق کی صلاحیتیں محدود ہیں۔ اس پروگرام کا مقصد اعلیٰ سطح کے اداروں کے ساتھ تعاون کو بڑھا کر ابھرتے ہوئے اداروں کو رہنمائی اور وسائل فراہم کرنا ہے۔
PAIR پروگرام کا مقصد
یہ پروگرام انڈین ڈیپارٹمنٹ آف سائنس اینڈ ٹیکنالوجی (ڈی ایس ٹی)کے تحت شروع کیا گیا ہے۔ اس کا مقصد اداروں کے درمیان تحقیقی صلاحیت کو فروغ دینا ہے، تاکہ ایک مضبوط تحقیقی ماحولیاتی نظام تشکیل دیا جا سکے۔ یہ پروگرام ابھرتے ہوئے اداروں کو مہارت، رہنمائی اور وسائل تک رسائی فراہم کرے گا۔ یہ ایک حب اینڈ اسپوک ماڈل کے تحت چلایا جائے گا، جس میں اہم ادارے (ہب) چھوٹے اور ابھرتے ہوئے اداروں (اسپوکس) کو مدد اور رہنمائی فراہم کرتے ہیں۔
پروگرام کا ڈھانچہ
:ہر PAIR نیٹ ورک میں ایک حب اور سات تک اسپیک ادارے ہوں گے۔
: حب انسٹی ٹیوٹ اعلیٰ اور معروف تحقیقی ادارے ہوں گے، جب کہ اسپوک انسٹی ٹیوٹ چھوٹے اور ابھرتے ہوئے ادارے ہوں گے۔
: پہلے مرحلے میں حب انسٹی ٹیوٹ میں ہندوستان میں سب سے اوپر 25 انسٹی ٹیوٹ اور قومی اہمیت کے ٹاپ 50 ادارے شامل ہوں گے۔ مرکزی اور ریاستی یونیورسٹیاں، نیشنل انسٹی ٹیوٹ آف ٹکنالوجی اور انڈین انسٹی ٹیوٹ آف انفارمیشن ٹیکنالوجی (آئی آئی آئی ٹی) کو ان انسٹی ٹیوٹ کے ساتھ بطور اسپوک انسٹی ٹیوٹ منسلک کیا جائے گا۔
: ہر حب انسٹی ٹیوٹ سے صرف ایک تجویز کو قبول کیا جائے گا ،جس میں اسپاک انسٹی ٹیوٹ سے ملٹی ڈسپلنری فیکلٹی کی لازمی شرکت ہوگی۔
پروگرام کے فوائد
پروفیسر ابھے کرندیکر، سکریٹری، ڈی ایس ٹی اور سی ای او، اے این آر ایف، نے کہا کہ پی اے آئی آر پروگرام کا مقصد ان یونیورسٹیوں میں تبدیلی کی تحقیق کو متحرک کرنا ہے، جن کے پاس تحقیق کی صلاحیت ہے، لیکن وسائل اور رہنمائی کی کمی ہے۔ انہوں نے کہا کہ پہلے مرحلے میں منتخب یونیورسٹیوں اور اداروں کو ترجیح دی جائے گی، جب کہ مستقبل میں اس پروگرام کا دائرہ کار وسیع کیا جائے گا۔ انہوں نے کہا، “PAIR کا مقصد ہماری یونیورسٹیوں میں تحقیقی ماحولیاتی نظام کو بہتر بنانا ہے، تاکہ ہندوستان میں تحقیق اور اختراع کی صلاحیت کو مزید بڑھایا جا سکے۔”
پروگرام کی اہمیت
قابل ذکر بات یہ ہے کہ ستمبر میں وزیر اعظم نریندر مودی کی صدارت میں منعقدہ نیشنل ریسرچ فاؤنڈیشن (اے این آر ایف) کے افتتاحی گورننگ بورڈ میٹنگ کے دوران اس پہل پر تبادلہ خیال کیا گیا تھا۔ PAIR پروگرام کا مقصد ہندوستان کے تحقیقی اداروں میں موجود خلا کو پر کرنا اور انہیں عالمی سطح پر مسابقتی بنانا ہے۔
بھارت ایکسپریس
