جموں و کشمیر اسمبلی نے بدھ کے روز ایک قرارداد منظور کی جس میں مرکز سے سابقہ ریاست کی خصوصی حیثیت کی بحالی کے لیے منتخب نمائندوں کے ساتھ بات چیت کرنے کو کہا گیاہے،اس دوران بی جے پی کے اراکین نے اسمبلی میں احتجاجی مظاہرے کیےاور دستاویز کی کاپیاں پھاڑ دیں۔قرارداد، جس میں خصوصی حیثیت کے “یکطرفہ خاتمے” پر “تشویش” کا اظہار بھی کیا گیا، بغیر کسی بحث کے منظور کر لیا گیا کیونکہ شور و غل کے مناظر کے درمیان اسپیکر نے اسے صوتی ووٹ کے لیے پیش کیا۔اسی دوران بی جے پی ایم ایل اے نے ایوان کے ویل میں جمع ہوکر کافی ہنگامہ کیا۔
“Assembly has done its job”, says Chief Minister Omar Abdullah (@OmarAbdullah) after Assembly passes resolution for restoration of J&K’s special status.pic.twitter.com/rIkCy9Kf0h
— JKNC (@JKNC_) November 6, 2024
اس دوران وزیراعلیٰ عمر عبداللہ نے کہا کہ اسمبلی نے سابقہ ریاست کی خصوصی حیثیت کی بحالی کے لئے مرکز اور منتخب نمائندوں کے درمیان بات چیت کرنے کی قرارداد منظور کرنے کے بعد اپنا کام کردیا ہے۔وہیں ڈپٹی سی ایم سریندر چودھری نے جموں و کشمیر کی خصوصی حیثیت کو بحال کرنے کی قرارداد پیش کی، جسے مرکز نے 5 اگست 2019 کو منسوخ کر دیا تھا۔
Chaos inside the assembly after Omar Abdullah led government tables resolution seeking the restoration of Article 370.
The bill was one of the promises made by JKNC in its election manifesto.pic.twitter.com/a4XorspWgf
— JKNC (@JKNC_) November 6, 2024
چودھری کی طرف سے پیش کی گئی قرارداد میں کہا گیا کہ یہ قانون ساز اسمبلی خصوصی حیثیت اور آئینی ضمانتوں کی اہمیت کی توثیق کرتی ہے، جو جموں و کشمیر کے لوگوں کی شناخت، ثقافت اور حقوق کا تحفظ کرتی ہے، اور ان کی یکطرفہ برطرفی پر تشویش کا اظہار کرتی ہے۔قرارداد میں مزید کہا گیا کہ یہ اسمبلی اس بات پر زور دیتی ہے کہ بحالی کے لیے کسی بھی عمل کو قومی اتحاد اور جموں و کشمیر کے لوگوں کی جائز امنگوں کا تحفظ کرنا چاہیے۔وہیں اپوزیشن لیڈر سنیل شرما سمیت بی جے پی کے ارکان نے قرارداد کی مخالفت کرتے ہوئے کہا کہ یہ لسٹ میں شامل بزنس کا حصہ نہیں ہے۔ہم قرارداد کو مسترد کرتے ہیں۔ ہمیں جو بزنس دیا گیا وہ یہ تھا کہ بحث لیفٹیننٹ گورنر کے خطاب پر ہے۔
بھارت ایکسپریس۔
