سماج وادی پارٹی کے سربراہ اکھلیش یادو۔ (فائل فوٹو)
لوک سبھا الیکشن 2024 سے پہلے پارٹی چھوڑنے والے اورراجیہ سبھا الیکشن کی ووٹنگ کے دوران سماجوادی پارٹی سے بغاوت کرنے والے اور دھوکہ دینے والے اراکین اسمبلی سے متعلق پارٹی صدراکھلیش یادوکا سخت موقف سامنے آیا ہے۔ انہوں نے کہا کہ سماجوادی پارٹی کوچھوڑکربی جے پی میں جانے والوں کی واپسی نہیں ہوگی۔ انہوں نے کہا کہ اگرانہیں (باغیوں) واپس پارٹی میں شامل کرانے کے لئے ان کے پاس آیا تووہ اسے بھی پارٹی سے باہرکا راستہ دکھا دیں گے۔
اکھلیش یادو نے اس دوران بجٹ سے متعلق بھی تنقید کی ہے۔ انہوں نے کہا کہ “کسانوں کوامدادی قیمت دینے کے بجائے وہ اتحادیوں کودے رہے ہیں… اترپردیش کوبڑے خواب دکھائے گئے، اترپردیش کوکیا ملا؟ ڈبل انجن والی حکومت ہے توڈبل فائدہ ملنا چاہئے تھا، دہلی کا فائدہ اورلکھنؤ کا فائدہ۔ لیکن لگتا ہے کہ دہلی اب لکھنؤکی طرف نہیں دیکھ رہی ہے یا لکھنؤکے لوگوں نے دہلی کے لوگوں کوناراض کردیا ہے، جس کا نتیجہ یہ نکلا ہے جوبجٹ میں نظرآتا ہے… ترقی بہارجا رہا ہے تواترپردیش کوکیوں چھوڑرہے ہیں؟ سیلاب اگربہارکی روکنی ہے تو نیپال اوراترپردیش کی سیلاب روکے بغیرآپ بہارکا سیلاب کیسے روکیں گے؟ آپ پہلے اترپردیش اور نیپال کا سیلاب روکیں تو بہارکا سیلاب اپنے آپ رک جائے گا۔”
#WATCH | On the Union Budget, Samajwadi Party MP Akhilesh Yadav says “We all were demanding that farmers should get MSP but the support price is given to the alliance partners who are saving their govt, rather than the farmers…The government could not take any concrete step… pic.twitter.com/oa29RNqhqK
— ANI (@ANI) July 24, 2024
بجٹ میں یوپی کا نام تک نہیں لیا گیا: رام گوپال یادو
سماج وادی پارٹی کے جنرل سکریٹری اور رکن پارلیمنٹ رام گوپال یادو نے کہا، “اتر پردیش کوکچھ دینے کی بات تو چھوڑیں، (بجٹ میں) اس کا ذکرتک نہیں تھا۔ حکومت بچانے کے لیے وہ کچھ ریاستوں کو پیسے دے رہے ہیں اور دوسروں کونظراندازکررہے ہیں۔”
بھارت ایکسپریس–
