بنگلہ دیشی رکن پارلیمنٹ انوار العظیم انار قتل کیس
Bangladesh MP Anwarul Azim Anar Murder Case: بنگلہ دیش کے رکن پارلیمنٹ انوار العظیم انار کے قتل معاملے میں مغربی بنگال سی آئی ڈی مسلسل ایکشن میں ہے۔ سی آئی ڈی نے بنگلہ دیشی رکن پارلیمنٹ کے قتل میں ملوث ایک ملزم کو گرفتار کر لیا ہے۔ یہ وہی قاتل ہے جسے ممبئی سے دوسرے ملزمان نے قتل کے بعد لاش کو کاٹنے کے لیے بلایا تھا۔ قتل سے صرف دو ماہ قبل وہ ممبئی سے کولکتہ آیا تھا۔ سی آئی ڈی نے کہا ہے کہ گرفتار ملزم ایک غیر قانونی تارک وطن (illegal immigrant) ہے جو بنگلہ دیش کا ہی رہنے والا ہے۔
گرفتار مشتبہ شخص کی شناخت 24 سالہ جہاد حولدار کے طور پر کی گئی ہے جو بنگلہ دیش کے کھلنا کا رہنے والا ہے۔ رکن پارلیمنٹ انوار العظیم کے قتل کے ماسٹر مائنڈ کا نام اختر الزمان ہے جو بنگلہ دیشی نژاد امریکی شہری ہے۔ اختر الزمان نے خود انہیں دو ماہ قبل ممبئی سے کولکتہ بلایا تھا۔ قاتل نے بتایا ہے کہ کس طرح ملزم نے پہلے بنگلہ دیشی رکن پارلیمنٹ کو قتل کیا اور پھر اس کی لاش کے ٹکڑے کر کے کولکتہ کے مختلف مقامات پر پھینک دیے۔
کیسے کیا بنگلہ دیشی رکن پارلیمنٹ کا قتل؟
ملزم جہاد حولدار نے بتایا ہے کہ اختر الزمان کی ہدایت پر اس نے اور چار دیگر بنگلہ دیشی شہریوں نے پہلے رکن پارلیمنٹ انوار العظیم کو بے دردی سے گلا دبا کر قتل کیا۔ یہ سارا جرم کولکتہ کے ایک فلیٹ میں کیا گیا۔ جہاد حولدار نے بتایا کہ قتل کے بعد بنگلہ دیشی رکن پارلیمنٹ کے پورے جسم کی کھال اتاری گئی اور سارا گوشت باہر نکالا گیا۔ آخر میں، شناخت مٹانے کے لئے گوشت کے چھوٹے چھوٹے ٹکڑے کر دیئے گئے۔
ملزم کسائی نے بتایا کہ لاش کے چھوٹے چھوٹے ٹکڑے پولی پیک میں بھرے گئے اور ہڈیوں کے بھی چھوٹے چھوٹے ٹکڑے کیئے گئے۔ یہ سب چھوٹے پولی پیک میں اچھی طرح سے پیک کیے گئے۔ قتل کو انجام دینے کے بعد، ملزمان نے ان پولی پیک کو اٹھایا اور کبھی ٹرین اور کبھی بس میں سفر کرتے ہوئے کولکتہ کے مختلف حصوں میں پھینک دیا۔ ملزم جہاد کو اب عدالت میں پیش کیا جائے گا اور پھر لاش کے اعضاء برآمد کیے جائیں گے۔
بھارت ایکسپریس۔
