آج گڈ فرائیڈے ہے۔ گڈ فرائیڈے عیسائیت کے بڑے تہواروں میں سے ایک ہے۔ عیسائیوں کے مطابق یسوع مسیح کو اسی دن مصلوب کیا گیا تھا۔ اس موقع پر وزیر اعظم نریندر مودی نے ہم وطنوں کو امن، ہمدردی اور بھائی چارے کا پیغام دیا۔ سوشل میڈیا پلیٹ فارم ’’ایکس‘‘ پر اپنی پوسٹ میں یسوع مسیح کی قربانی کو یاد کرتے ہوئے وزیر اعظم مودی نے لکھا ’’گڈ فرائیڈے کے موقع پر ہم یسوع مسیح کی قربانی کو یاد کرتے ہیں۔ یہ دن ہمیں مہربان، ہمدرد اور ہمیشہ فراخ دل ہونے کی ترغیب دیتا ہے۔ امن اور اتحاد کا جذبہ ہمیشہ قائم رہے۔‘‘
On Good Friday, we remember the sacrifice of Jesus Christ. This day inspires us to cherish kindness, compassion and always be large hearted. May the spirit of peace and togetherness always prevail.
— Narendra Modi (@narendramodi) April 18, 2025
نتیش کمار نے بھی دی مبارکباد
اس موقع پر بہار کے وزیر اعلیٰ نتیش کمار نے بھی مبارکباد دیتے ہوئے لکھا ’’گڈ فرائیڈے کے موقع پر یسوع مسیح کی قربانی کو یاد کرتے ہوئے میں انھیں سلام پیش کرتا ہوں۔ اپنی زندگی اور قربانی کے ذریعے یسوع مسیح نے پوری انسانیت کو محبت، مہربانی اور ہمدردی کا پیغام دیا۔ ان کے دکھائے ہوئے راستے پر چل کر پورے انسانی معاشرے کی فلاح و بہبود کی راہ ہموار کی جا سکتی ہے۔‘‘
دیگر سیاسی لیڈران نے بھی یسوع مسیح کو یاد کیا
دریں اثنا دیگر سیاسی لیڈران نے بھی اس موقع پر مبارکباد دیتے ہوئے اس دن کی اہمیت پر روشنی ڈالی ہے۔ کانگریس کے قومی صدر ملکارجن کھڑگے نے گڈ فرائیڈے کی مبارکباد دیتے ہوئے مزید لکھا ’’رحم، درگزر، قربانی اور ہمدردی کا جوہر ہمارے اعمال کو متاثر کرتا رہے، آئیے ہم انسانیت، مہربانی اور امن کی اقدار کو اپنائیں۔‘‘ کانگریس کے رکن پارلیمنٹ راہل گاندھی نے انسٹاگرام پر لکھا ’’یہ گڈ فرائیڈے ہر دل کو ہمدردی، مہربانی اور محبت سے بھر دے اور سب کے لیے امن لائے۔‘‘ پرینکا گاندھی نے بھی اپنے جذبات کا اظہار کرتے ہوئے لکھا ’’یہ مبارک دن ہم سب کو یاد دلائے کہ خداوند یسوع نے ہمیں محبت، ہمدردی اور معافی کی طاقت پر کبھی بھی اعتماد نہ کھونے کی تعلیم دی ہے۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
