کمبوڈیا کے راجہ نورودوم سیہامونی کو دیا گیا گارڈ آف آنر
نئی دہلی: کمبوڈیا کے راجہ نورودوم سیہامونی ہندوستان کے اپنے پہلے سرکاری دورے پر ہیں۔ صدر دروپدی مرمو اور وزیر اعظم نریندر مودی نے منگل کی صبح راجہ سیہامونی سے ملاقات کی۔ اس دوران کمبوڈیا کے راجہ کو صدارتی محل (راشٹرپتی بھون) میں گارڈ آف آنر سے نوازا گیا۔ صدر دروپدی مرمو نے صدارتی محل میں وزیر اعظم نریندر مودی، مرکزی وزراء اور دیگر معززین کا کمبوڈیا کے راجہ نورووم سیہامونی سے تعارف کرایا۔ شاہ نورودوم سیہامونی اپنے پہلے تین روزہ سرکاری دورے پر ہندوستان آئے ہیں۔
دوسری جانب کمبوڈیا کے بادشاہ نورودوم سیہامونی نے منگل کو صدر مرمو سے ملاقات کی۔ بعد میں وزیر اعظم نریندر مودی اور مرکزی وزراء سمیت کئی معززین سے بھی ملاقات کی۔ اس موقع پر وزراء سے ملاقات کے بعد کمبوڈیا کے راجہ نورودوم سیہامونی نے راج گھاٹ پر مہاتما گاندھی کی یادگار پر گل پوشی کی اور خراج عقیدت پیش کیا۔
#WATCH | King of Cambodia Norodom Sihamoni being accorded the ceremonial guard of honour at the Rashtrapati Bhawan in Delhi
King Norodom Sihamoni is on his maiden three-day official visit (May 29–31) to India. pic.twitter.com/Qdsg30oqoq
— ANI (@ANI) May 30, 2023
بتا دیں کہ نورودوم سہامونی تین دن تک ہندوستان میں قیام کریں گے۔ وزارت کی طرف سے جاری کردہ ایک بیان میں کہا گیا ہے کہ سرکاری دورہ 1952 میں ہندوستان اور کمبوڈیا کے درمیان سفارتی تعلقات کے قیام کی 70 ویں سالگرہ کی تقریبات کے اختتام پر ہے۔ کمبوڈیا کے راجہ کا ہندوستان دورہ تقریباً چھ دہائیوں کے بعد ہو رہا ہے۔ اس سے قبل 1963 میں موجودہ راجہ کے والد ہندوستان آئے تھے۔
بھارت ایکسپریس۔
