دو سال کا معصوم 16 فٹ گہرے بورویل میں گرا
کرناٹک کے وجے پورہ میں ایک دو سالہ معصوم بچہ کھیلتے ہوئے بورویل میں گر گیا۔ بورویل میں گرنے سے بچے کے رونے کی آواز سن کر اہل خانہ سمیت علاقہ میں خوف و ہراس پھیل گیا۔ مقامی لوگوں نے واقعے کی اطلاع پولیس کو دی۔ اطلاع ملتے ہی پولیس اور ریسکیو ٹیم نے دو سالہ معصوم بچے کو بحفاظت باہر نکالنے کے لیے ریسکیو آپریشن شروع کردیا۔ ریسکیو ٹیم
کی معلومات کے مطابق بورویل کی گہرائی 16 فٹ بتائی جارہی ہے۔
یہ واقعہ انڈی تعلقہ کے لچھیان گاؤں میں پیش آیا۔ بچے کا نام ساتویک مجاگونڈہے۔ اسے باہر نکالنے کا ریسکیو آپریشن شام ساڑھے چھ بجے شروع کیا گیا۔
#WATCH विजयपुरा, कर्नाटक: लाचयान गांव में एक डेढ़ साल का बच्चा खुले बोरवेल में गिर गया। बचाव अभियान जारी है। pic.twitter.com/5FvDCdpCcU
— ANI_HindiNews (@AHindinews) April 4, 2024
بورویل کا گڑھا کھودا جا رہا تھا
بچے کے والد ستیش مجاگونڈ نے بتایا کہ ان کی 4 ایکڑ زمین پر بورویل کا گڑھا کھودا جا رہا ہے۔ بچہ بدھ کو کھیلتے ہوئے اس میں گر گیا تھا۔ اب گڑھے سے کوئی آواز نہیں آرہی ہے لیکن کیمرے میں بچے کے پاؤں بورویل کے اندر حرکت کرتے نظر آرہے ہیں۔ بچے کو پائپ کے ذریعے آکسیجن فراہم کی گئی ہے۔
وزیر ایم بی پاٹل نے ضلع انتظامیہ کو آپریشن میں تیزی لانے کی ہدایت دی ہے۔
دو سال کا معصوم بچہ بورویل میں گر گیا
موصولہ اطلاعات کے مطابق کرناٹک کے وجئے پورہ کے لچھیان گاؤں(Lachayan village ) میں ایک دو سال کا معصوم بچہ تقریباً 16فٹ گہرے بورویل میں گر گیا۔ اس دوران وہاں سے گزرنے والے لوگوں نے بورویل سے رونے کی آواز سنی۔ بچے کے بورویل میں گرنے کی اطلاع اہل خانہ کے ساتھ پولیس کو دی گئی۔ اطلاع ملتے ہی ریسکیو ٹیم اور پولیس نے بچے کو بچانے کے لیے ریسکیو آپریشن شروع کر دیا۔
بچہ کھیلتے ہوئے گرگیا
اس معاملے میں مزید معلومات دیتے ہوئے ایک سینئر پولیس افسر نے بتایا کہ ریسکیو ٹیم کی معلومات کے مطابق بورویل کی گہرائی 16 فٹ بتائی جاری ہے۔ پولیس کا کہنا ہے کہ بچہ کھیلتے ہوئے بورویل میں گر گیا تھا۔ بچے کو بچانے کے لیے ریسکیو ٹیم اور پولیس نے شام ساڑھے چھ بجے کے قریب آپریشن شروع کیا۔ اس دوران پولیس کے ساتھ ساتھ ریونیو حکام، فائر اینڈ ایمرجنسی سروسز ڈیپارٹمنٹ کے اہلکار بھی موجود ہیں۔
بھارت ایکسپریس
