پلے کیلے: ٹی20 ورلڈ کپ 2026 میں منگل کے روز پاکستان کی ٹیم کا مقابلہ انگلینڈ کے ساتھ ہوا۔ پلے کیلے انٹرنیشنل کرکٹ اسٹیڈیم میں پاکستان کے اوپنر صاحبزادہ فرحان نے چھکوں کا نیا ریکارڈ قائم کر دیا۔
فرحان اب پاکستان کی طرف سے کسی ایک ٹی20 ورلڈ کپ ایڈیشن میں سب سے زیادہ چھکے لگانے والے بلے باز بن گئے ہیں۔ انہوں نے محمد رضوان کا ریکارڈ توڑ دیا۔ اس ورلڈ کپ میں فرحان اب تک 13 چھکے لگا چکے ہیں، جبکہ ٹی20 ورلڈ کپ 2021 میں رضوان نے 12 چھکے لگائے تھے۔
فرحان نے گروپ اسٹیج کی اپنی شاندار فارم کو انگلینڈ کے خلاف بھی جاری رکھا۔ ایک اینڈ سے وکٹ گرنے کے باوجود وہ کریز پر ڈٹے رہے اور 45 گیندوں میں 63 رنز کی شاندار اننگز کھیلی۔ اپنی اس اننگز کے دوران فرحان نے 7 چوکے اور 2 چھکے لگائے۔ انہوں نے بابر اعظم کے ساتھ مل کر تیسرے وکٹ کے لیے 46 رنز کی شراکت داری کی اور چوتھے وکٹ کے لیے فخر زمان کے ساتھ 49 رنز کی شراکت قائم کی۔
تاہم فرحان کے علاوہ دیگر پاکستانی بلے باز رنز کے لیے جدوجہد کرتے رہے۔ صائم ایوب صرف 7 رنز بنا کر آؤٹ ہوئے جب کہ کپتان سلمان آغا صرف 5 رنز بنانے کے بعد پویلین لوٹ گئے۔ فخر زمان اچھے آغاز کا فائدہ اٹھانے میں ناکام رہے اور 16 گیندوں پر 25 رنز بنا کر آؤٹ ہوئے۔ بابر اعظم اس دوران 24 گیندوں پر 25 رنز بنانے کے بعد جیمی اوورٹن کے ہاتھوں کلین بولڈ ہوگئے۔
محمد نواز بغیر کوئی رن بنائے آؤٹ ہوئے جب کہ وکٹ کیپر بلے باز عثمان خان صرف 8 رنز ہی بنا سکے۔ شاداب خان نے 11 گیندوں پر 23 رنز بنائے جس کی مدد سے پاکستان نے 20 اوورز میں 9 وکٹوں کے نقصان پر 164 رنز بنائے۔
انگلینڈ کی طرف سے لیام ڈوسن نے 4 اوورز میں صرف 24 رنز دے کر 3 وکٹیں حاصل کیں، جبکہ جیمی اوورٹن اور جوفرا آرچر نے دو دو وکٹیں اپنے نام کیے
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
