بنگلہ دیش ٹیم کے کپتان شکیب الحسن۔ (فائل فوٹو)
انڈین پریمیئرلیگ 2024 (آئی پی ایل 2024) کے لئے آج سے ٹھیک ایک ہفتے بعد نیلامی کا بازار لگنے والا ہے۔ دبئی میں آئی پی ایل آکشن ہونے والا ہے۔ اس آکشن کے لئے کن کن کھلاڑیوں نے اپنا نام دیا ہے، اس کی فہرست بھی سامنے آگئی ہے۔ آئی پی ایل آکشن کے لئے کل 333 کھلاڑیوں نے اپنا نام دیا ہے، لیکن ان میں سے صرف 67 کھلاڑیوں پرہی بولی لگنے کا امکان ظاہرکیا جا رہا ہے۔ آئی پی ایل آکشن کے لئے 119 غیرملکی کھلاڑیوں نے اپنا نام دیا ہے، لیکن بنگلہ دیش کے کپتان شکیب الحسن کا نام اس فہرست میں شامل نہیں ہے۔ کھلاڑی نے خود اس کی وجہ بتائی ہے۔
IPL 2024 Player Auction List Announced ✅
Here are the Numbers You Need To Know 🔽#IPLAuction | #IPL pic.twitter.com/WmLJMl3Ybs
— IndianPremierLeague (@IPL) December 11, 2023
کیا کرکٹ سے ریٹائرمنٹ لے گا یہ اسٹار کھلاڑی
آئی پی ایل 2024 آکشن سے پہلے بنگلہ دیش کے کھلاڑی شکیب الحسن کا نام نہیں دینا بحث کا موضوع بنا ہوا ہے۔ فینس جاننا چاہتے ہیں کہ شاندار فارم میں چل رہے شکیب الحسن نے اپنا نام کیوں نہیں دیا ہے۔ وہ لمبے وقت سے کولکاتا نائٹ رائیڈرس کے ساتھ وابستہ تھے۔ آئی پی ایل کے علاوہ شکیب الحسن نے خود کے ریٹائرمنٹ لینے پر بھی بیان دیا ہے۔ کھلاڑی نے کہا کہ میں فی الحال بنگلہ دیش کے لئے میچ کھیلنے پر توجہ مرکوز کرنا چاہتا ہوں۔ میرا منصوبہ یہ ہے کہ میں اپنا سارا وقت صرف قومی سطح کے کھیل پردوں۔ شکیب الحسن نے مزید کہا کہ میں کرکٹ کا تینوں فارمیٹ کھیلتا ہوں، میں آگے بھی اپنا کھیل جاری رکھنا چاہوں گا۔ اس سے واضح ہے کہ شکیب الحسن نے ابھی تک ریٹائرمنٹ لینے کے بارے میں غور نہیں کیا ہے۔
Shakib Al Hasan provides some insight on his Bangladesh future 👇https://t.co/cwG38d56IU
— ICC (@ICC) December 12, 2023
پی ایس ایل سے بھی لیا نام واپس
واضح رہے کہ شکیب الحسن کو آئی سی سی ورلڈ کپ 2023 کے دوران انگلی میں چوٹ لگ گئی تھی، تب سے ہی کپتان آرام کر رہے ہیں۔ شکیب الحسن نے کہا کہ مجھے ٹھیک ہونے میں ابھی بھی دو ہفتے کا وقت لگے گا۔ مجھے لگا تھا کہ میں جلد ہی ٹھیک ہوجاؤں گا، لیکن ڈاکٹر نے مجھے ابھی بھی آرام کرنے کا مشورہ دیا ہے۔ شکیب الحسن نے مزید کہا کہ میں ونڈے اور ٹی-20 سیریز کے لئے نیوزی لینڈ جانا چاہتا ہوں، اگر میں ٹھیک ہوگیا تو اس سیریز کا حصہ بنوں گا۔ واضح رہے کہ وہ صرف آئی پی ایل ہی نہیں، بلکہ شکیب الحسن نے پی ایس ایل سے بھی اپنا نام واپس لے لیا ہے۔
یہ بھی پڑھیں: Virat Kohli: وراٹ کوہلی کے لیے بے حد خاص رہا سال 2023 ، سچن کے سامنے ان کا 50 سنچریوں کا ریکارڈ ٹوٹ گیا، کئی بڑے ریکارڈ توڑ ے
چوٹ کی وجہ سے ٹیم سے باہر شکیب الحسن
شکیب الحسن ابھی چوٹ سے جدوجہد کررہے ہیں۔ یہی وجہ ہے کہ ورلڈ کپ کے بعد نیوزی لینڈ کے خلاف ٹسٹ سیریز میں وہ ٹیم سے باہرتھے۔ انہیں نیوزی لینڈ دورے پر ٹی-20 اور ونڈے سیریز کے لئے اسکواڈ میں منتخب کیا گیا تھا، لیکن اب ان دونوں سیریز سے بھی ان کے باہر ہونے کا امکان ہے۔ وہ چوٹ سے پوری طرح نہیں ابھرسکے ہیں اور میڈیکل ٹیم نے انہیں میچ نہ کھیلنے اوربازآبادکاری پرتوجہ مرکوزکرنے کا مشورہ دیا ہے۔
-بھارت ایکسپریس
