پنجاب کنگس نے ممبئی انڈینس کو ہراکر آئی پی ایل 2025 کے فائنل میں جگہ بنالی۔
Mumbai Indians vs Punjab Kings Qualifier 2 IPL 2025: پنجاب کنگس نے ممبئی انڈینس کو 5 وکٹ سے ہراکر فائنل میں جگہ بنا لی ہے۔ اب آئی پی ایل 2025 کے فائنل میں 3 جون کو رائل چیلنجرس بنگلورو اور پنجاب کنگس کے درمیان مقابلہ ہوگا۔ اس میچ میں ممبئی کی ٹیم نے پہلے کھیلتے ہوئے 203 رن بنائے تھے۔ اس کے جواب میں پنجاب نے 19 اوور میں ہی ہدف کو حاصل کرلیا۔ یہ تاریخ میں صرف دوسری بار ہے جب پنجاب کنگس فائنل میچ میں پہنچی ہے۔ پنجاب کنگس نے کپتان شرے یس ایئر کی حیرت انگیز اننگ کی بدولت پانچ بار کی چمپئن ممبئی انڈینس کو 5 وکٹ سے ہرا دیا۔ اس کے ساتھ ہی پنجاب کی ٹیم 11 سال بعد فائنل میں جگہ بنانے کا طویل انتظارختم کیا۔
احمدآباد میں کھیلے گئے اس میچ میں پنجاب کنگس کو 204 رنوں کا ہدف ملا تھا۔ اس کے جواب میں ٹیم کی شروعات کافی خراب رہی کیونکہ پربھ سمرن سنگھ صرف 6 رن بناکرآوٹ ہوگئے۔ پریانش آریہ اور جوش انگلس نے اننگ کو سنبھالنا شروع ہی کیا تھا، تبھی پریانش 20 رنوں کی اننگ کھیل کرآوٹ ہوگئے۔ دیکھتے ہی دیکھتے پنجاب نے 72 رنوں کے اسکور پر 3وکٹ گنوا دیئے تھے۔ نیہل واڑھیرا اور شرے یس ایئرنے اننگ کو سنبھالتے ہوئے 84 رنوں کی شاندار شراکت کی۔ نیہل واڑھیرا نے 29 گیندوں میں 48 رن بنائے۔ کپتان شرے یس ایئر ایک اینڈ سے ڈٹے ہوئے تھے، جنہوں نے 41 گیندوں میں ناٹ آوٹ 87 رنوں کی اننگ کھیل کرپنجاب کی تاریخی جیت میں بڑا تعاون دیا۔
11 سال بعد فائنل میں پہنچی پنجاب کی ٹیم
پنجاب کنگس نے ابھی تک واحد آئی پی ایل فائنل 2014 میں کھیلا تھا۔ اس سیزن میں کولکاتا نائٹ رائیڈرس نے پنجاب کو تین وکٹ سے ہراکر ٹرافی سے محروم کردیا تھا۔ شرے یس ایئر کو جادوگر کہیں یا کچھ اور۔ انہوں نے 11 سال بعد پنجاب کے فائنل کھیلنے کے خواب کو پورا کیا ہے۔ آپ کو بتا دیں کہ شرے یس ایئر کا یہ بطور کپتان 5 سال میں تیسرا آئی پی ایل فائنل ہوگا۔
A DO𝗠𝗜NATING WIN! ❤️
Sarpanch @ShreyasIyer15 fires #PBKS into the #IPLFinal with an astonishing finish! 👏🏻🙌🏻
Watch #IPLFinals 👉 #RCBvPBKS | TUE, 3rd June, 5 PM on Star Sports Network & JioHotstar#ShreyasIyer pic.twitter.com/NKXXpkG2S8
— Star Sports (@StarSportsIndia) June 1, 2025
شرے یس ایئر کی کپتانی میں دہلی کیپٹلس نے 2020 کا فائنل کھیلا۔ وہیں آئی پی ایل 2024 میں انہیں کی کپتانی میں کولکاتا نائٹ رائیڈرس نے ٹرافی جیتی تھی اور اب پنجاب کنگس کو فائنل میں پہنچا کرانہوں نے تاریخ رقم کردی ہے۔ آئی پی ایل 2025 کا فائنل اب تین جون کو رائل چیلنجرس بنگلورو اور پنجاب کنگس کے درمیان کھیلا جائے گا۔
بھارت ایکسپریس اردو.
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
