آئی پی ایل 2025 کے پہلے کوالیفائر میچ میں رائل چیلنجرز بنگلور نے پنجاب کنگز کو 8 وکٹوں سے شکست دے دی ہے۔ اس کے ساتھ بنگلور 9 سال بعد آئی پی ایل کے فائنل میں داخل ہوا ہے۔ اس سے قبل آر سی بی نے 2016 میں آئی پی ایل کا فائنل میچ کھیلا تھا۔ آج کے اس میچ میں پنجاب کی پوری ٹیم پہلے کھیلتے ہوئے 101 رنز پر آل آؤٹ ہو گئی تھی۔ جواب میں آر سی بی نے 10 اوور باقی رہ کر ایک زبردست جیت درج کی ہے۔
آر سی بی 9 سال بعد فائنل میں
رائل چیلنجرز بنگلور نے آخری بار سال 2016 میں آئی پی ایل کا فائنل کھیلا تھا۔اس کے بعد بنگلور کئی بار پلے آف میں پہنچا، لیکن فائنل میں جگہ نہیں بنا سکی۔ بنگلور کی جیت کی بنیاد سویاش شرما اور جوش ہیزل ووڈ نے رکھی جنہوں نے 3-3 وکٹیں حاصل کیں۔ اس کے ساتھ ہی باقی کام فل سالٹ نے مکمل کیا جنہوں نے 27 گیندوں پر ناقابل شکست 56 رنز بنائے۔
رائل چیلنجرز بنگلور کی جیت کے 3 سب سے بڑے ہیرو میں شامل کپتان رجت پاٹیدار کے پہلے بولنگ کرنے کے فیصلے کو سویاش شرما اور جوش ہیزل ووڈ نے درست ثابت کیا۔ سویاش شرما نے 3 اوور میں 17 رن دے کر 3 وکٹیں حاصل کیں۔ دوسری جانب جوش ہیزل ووڈ نے بھی تباہی مچائی اور 3.1 اوورز میں 21 رنز دے کر 3 وکٹیں حاصل کیں۔ ان کی جان لیوا باؤلنگ کا نتیجہ تھا کہ پنجاب اپنے ہوم گراؤنڈ پر صرف 101 کے سکور پر ڈھیر ہو گیا۔حالانکہ اس شکست کے باوجود پنجاب کو ابھی ایک اور موقع ملے گا جہاں وہ فائنل کیلئے جدوجہد کرتے نظرآسکتے ہیں اور وہ کوالیفائر دو کے فاتح ٹیم سے مقابلہ کریں گے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
