ایشیا کپ 2025 کی شروعات سے پہلے پاکستان کرکٹ ٹیم کوایک بڑی خبر ملی ہے۔ ٹیم سے لمبے وقت سے باہرچل رہے اس طوفانی بلے باز نے انٹرنیشنل کرکٹ کو الوداع کہہ دیا ہے۔ 33 سال کے آصف علی نے پیر، یکم ستمبرکوسوشل میڈیا پر پوسٹ کرکے اپنے ریٹائرمنٹ کا اعلان کیا۔ انہوں نے لکھا، ”آج میں انٹرنیشنل کرکٹ سے ریٹائرمنٹ لے رہا ہوں۔ پاکستان کی جرسی پہننا اور ملک کی نمائندگی کرنا میری زندگی کا سب سے بڑا احترام رہا ہے۔ کرکٹ کے میدان پراپنے ساتھیوں، کوچ اورفینس سے جو پیارملا، اس کے لئے میں شکرگزار ہوں۔“
سال 2018 میں کیا تھا ڈیبیو
آصف علی نے سال 2018 میں پاکستان کے لئے پہلے ٹی-20 اور پھر دو ماہ بعد ونڈے کرکٹ میں ڈیبیو کیا تھا۔ ٹیم میں انہیں ایک پاورہٹر اورفنیشرکے طورپر جگہ دی گئی تھی۔ شروعات میں کچھ اننگوں میں انہوں نے چمک دکھائی، لیکن مسلسل بہتر کارکردگی پیش کرنے میں ناکام رہے۔ گزشتہ دو سال سے وہ انٹرنیشنل ٹیم سے باہرچل رہے تھے اورواپسی کی امیدیں بھی کم ہوتی جا رہی تھیں، جس کے بعد اب انہوں نے ریٹائرمنٹ لے لیا ہے۔ آصف علی نے اپنا آخری ونڈے اپریل 2022 میں اورآخری ٹی-20 اکتوبر2023 میں کھیلا تھا۔ اس کے بعد سے وہ قومی ٹیم سے باہر تھے اوردوبارہ انتخاب کا امکان کم ہوتا دیکھ کرانہوں نے کرکٹ سے ریٹائرمنٹ کا فیصلہ لیا۔
Asif Ali has called time on his international career after 21 ODIs and 58 T20Is for Pakistan
More details: https://t.co/oJ4fhWehix pic.twitter.com/sqeij9P240
— ESPNcricinfo (@ESPNcricinfo) September 2, 2025
’150 چھکوں‘ والے بیان سے آئے سرخیوں میں
اپنی طوفانی بلے بازی کے لئے پہچانے جانے والے آصف علی نے دعویٰ کیا تھا کہ وہ روزانہ نیٹس میں 150 چھکے لگاتے ہیں۔ اس بیان کی وجہ سے وہ سرخیوں میں آگئے تھے اورفینس کوان سے بڑے بڑے شاٹس کی امیدیں تھیں۔ حالانکہ میدان پروہ اس دعوے کے مطابق، کارکردگی نہیں پیش کرسکے اورناکام ثابت ہوئے تھے۔
ایشیا کپ اورہندوستان کے خلاف ناکام
آصف علی کو2022 میں کھیلے گئے ایشیا کپ میں موقع ملا تھا۔ افغانستان کے خلاف ایک میچ جتانے والی اننگ کے علاوہ ان کا بلّا خاموش رہا۔ ہندوستان کے خلاف دو مقابلوں میں انہوں نے 15 گیندوں پر 25 رن بنائے تھے، جبکہ ٹی-20 ورلڈ کپ 2022 میں ٹیم انڈیا کے خلاف صرف دو ہی رن بناکر پویلین لوٹ گئے تھے۔ اس کے بعد سے ہی ان کی تنقید ہونے لگی تھی۔
آصف علی کے کیریئرکے اعدادوشمار
آصف علی کا کیریئرامیدوں پرکھرا نہیں اترسکا، جیسے انہوں نے دعوے کئے تھے۔ انہوں نے پاکستان کے لئے کل 79 انٹرنیشنل میچ کھیلے۔ انہوں نے ٹی-20 انٹرنیشنل میچ میں 58 میچ کھیلے۔ جس میں 577 رن بنائے۔ ان کا اوسط 15 کا رہا جبکہ اسٹرائیک ریٹ 133 رن کا رہا ہے۔ وہیں ونڈے انٹرنیشنل میں 21 میچ کھیلنے کا موقع ملا، جس میں انہوں نے 382 رن بنائے۔ ان کا اوسط 25 کا رہا ہے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
