پاکستان کرکٹ ٹیم کے چیف کوچ اظہر محمود۔ (فائل فوٹو)
پاکستان کرکٹ میں تبھی تک سب کچھ اچھا چل رہا ہوتا ہے، جب تک ٹیم جیت رہی ہوتی ہے۔ پھرایک مقابلہ ہارتے ہی کھلبلی مچ جاتی ہے۔ بوکھلاہٹ زور پکڑلیتی ہے۔ ٹھیک ویسے ہی جیسے نیوزی لینڈ سے ہارنے کے بعد ہوتا دکھائی دے رہا ہے۔ راولپنڈی میں کھیلے گئے تیسرے ٹی-20 میں نیوزی لینڈ کی بی ٹیم نے پاکستان کی فُل اسٹرینتھ ٹیم کو 7 وکٹ سے ہرا دیا۔ اس ہارکے بعد ذمہ داری لینے کے بجائے ٹیم کے نئے چیف کوچ بنے اظہرمحمود الٹے الزام لگاتے ہوئے نظرآئے۔ انہوں نے اپنی ٹیم کی ٹریننگ پر سوال کھڑے کردیئے۔ انہوں نے کہا کہ جب تھک چکے ہیں کھلاڑی تو کیسے جیتے پاکستان؟
پاکستان کے چیف کوچ اظہرمحمود نے نیوزی لینڈ کے خلاف 5 ٹی-20 میچوں کی سیریزسے پہلے اپنی ٹیم کے ایبٹ آباد کے پاس کاکل کے آرمی کیمپ میں کی گئی دو ہفتے کی ٹریننگ پر سوال اٹھائے ہیں۔ انہوں نے اس ٹریننگ پرالزام لگاتے ہوئے کہا ہے کہ اس ہیوی ٹریننگ کے بعد کھلاڑی بری طرح سے تھکے ہیں اور پرفارم نہیں کرپا رہے ہیں۔
“The players worked very hard during the Kakul camp. There can be body fatigue as well.”
Azhar Mahmood spoke about injury concerns/niggles in the Pakistan camp.#PAKvNZ | #PakistanCricket pic.twitter.com/PR3oMcoUxZ
— Grassroots Cricket (@grassrootscric) April 21, 2024
آرمی کیمپ کی ٹریننگ پراظہرمحمود نے اٹھائے سوال
اظہرمحمود کی تشویش اس وجہ سے بھی ہے کیونکہ ان کا ماننا ہے کہ اسی تھکان کے سبب کھلاڑی زخمی بھی ہو رہے ہیں، جوکہ ٹی-20 ورلڈ کپ 2024 سے پہلے اچھی خبرنہیں ہے۔ نیوزی لینڈ کے خلاف ٹی-20 سیریز کے دوران اب تک پاکستان کے تین کھلاڑیوں کو چوٹ لگنے کی خبر ہے، جن میں اعظم خان، محمد رضوان اورعرفان خان کا نام شامل ہے۔
کوچ کو کھلاڑیوں کی فکر
اظہرمحمود کے مطابق، ان میں اعظم خان زخمی ہونے کے سبب نیوزی لینڈ کے خلاف ٹی-20 سیریز سے باہرہوگئے ہیں۔ وہیں ان کے ٹی-20 ورلڈ کپ 2024 میں کھیلنے پربھی تعطل کا خطرہ منڈلا رہا ہے۔ اظہرمحمود نے بتایا کہ محمد رضوان اورعرفان خان کو ایک ہی طرح کی چوٹ ہے۔ رضوان کو تیسرے ٹی-20 میں بلے بازی کے دوران زخمی ہوئے تھے، جس کے بعد وہ ریٹائرڈ ہرٹ ہوکرڈگ آؤٹ لوٹ گئے کیونکہ ہم خطرہ مول نہیں لینا چاہتے، جس سے پریشانی مزید بڑھ جائے۔ انہوں نے بتایا کہ چوٹ کے سبب رضوان آئندہ میچ بھی نہیں کھیل سکتے ہیں۔ پاکستان کو اگلا ٹی-20 میچ نیوزی لینڈ کے ساتھ 25 اپریل کو لاہورمیں کھیلنا ہے۔ جبکہ سیریز کا آخری ٹی-20 مقابلہ 27 اپریل کو کھیلا جائے گا۔
بھارت ایکسپریس۔
