کرکٹ آسٹریلیا نے انڈیا اور پاکستان کے درمیان دوطرفہ سیریز کی خواہش ظاہرکی ہے۔
Pakistan Asia Cup 2023 Records: ایشیا کپ 2023 میں ابھی تک پاکستان نے شاندارکارکردگی پیش کی ہے۔ اس نے پہلے میچ میں نیپال کو 238 رنوں سے ہرایا تھا۔ اس کے بعد بنگلہ دیش کو 7 وکٹ سے شکست دی۔ پاکستان کے گیند بازوں نے ہندوستان کے خلاف بھی خطرناک گیند بازی کی تھی۔ حالانکہ وہ میچ بارش کی وجہ سے پورا نہیں ہوسکا۔ اس ٹورنا منٹ میں ابھی تک سب سے زیادہ وکٹ لینے کے معاملے میں پاکستان کے گیند باز ٹاپ پر رہے ہیں۔ رن بنانے کے معاملے میں بھی ٹیم کے کھلاڑی ٹاپ میں شامل ہیں۔
ایشیا کپ 2023 میں ابھی تک سب سے زیادہ وکٹ حارث رؤف نے لئے ہیں۔ انہوں نے تین میچوں میں 9 وکٹ حاصل کئے ہیں۔ حارث رؤف نے 20 اوور کی گیند بازی کی اور 93 رن دیئے۔ نسیم شاہ دوسرے نمبرپرہیں۔ نسیم شاہ نے 7 وکٹ حاصل کئے ہیں۔ انہوں نے 19.3 اووروں میں 117 رن دیئے ہیں۔ شاہین شاہ آفریدی تیسرے نمبرپرہیں۔ آفریدی نے 22 اوور کی گیند بازی کی ہے اور 104 رن دیئے ہیں۔ اس کے ساتھ ہی انہوں نے 7 وکٹ اپنے نام کئے ہیں۔ ہندوستان کے لئے سب سے زیادہ وکٹ رویندر جڈیجہ اورمحمد سراج نے حاصل کئے۔ ان دونوں کو 3-3 وکٹ ملے۔
Pakistan’s pace attack is on fire 🔥 #AsiaCup2023 pic.twitter.com/WRpL1ZTY8a
— AsianCricketCouncil (@ACCMedia1) September 7, 2023
With Najmul Hossain’s injury casting doubt on his availability in the Super 4s, Babar Azam is aiming to overtake him as the top run-scorer soon! 🏃#AsiaCup2023 pic.twitter.com/7grjq7WCNG
— AsianCricketCouncil (@ACCMedia1) September 7, 2023
اگر سب سے زیادہ رن بنانے والے بلے بازوں کی فہرست پر نظرڈالیں تو بنگلہ دیش کے نجم شنتو پہلے نمبر پر ہیں۔ انہوں نے 2 میچوں میں 193 رن بنائے ہیں۔ پاکستان کے کپتان بابراعظم دوسرے نمبر پر ہیں۔ انہوں نے تین میچوں میں 168 رن بنائے ہیں۔ بنگلہ دیش کے مہدی حسن تیسرے نمبر پر ہیں۔ انہوں نے تین میچوں میں 117 رن بنائے ہیں۔ ہندوستان کے لئے سب سے زیادہ رن ہاردک پانڈیا نے بنائے ہیں۔ انہوں نے 87 رن بنائے ہیں۔ روہت شرما دوسرے نمبر پر ہیں۔ انہوں نے 85 رن بنائے ہیں۔
یہ بھی پڑھیں: Asia Cup 2023: پاکستان کے ہاتھوں شکست کے بعد بنگلہ دیش کے شکیب الحسن کا بڑا بیان، پاکستانی ٹیم سے متعلق کہی یہ بڑی بات
قابل ذکر ہے کہ پاکستان نے ایشیا کپ 2023 کے پہلے سپر-4 میچ میں بنگلہ دیش کو 7 وکٹ سے شکست دی۔ بنگلہ دیش نے پہلے بلے بازی کرتے ہوئے 193 رن بنائے۔ اس کے جواب میں پاکستان نے 39.3 اووروں میں ہدف کو حاصل کرلیا۔ پاکستان کے گیند بازوں نے پورے ٹورنا منٹ میں شاندارکارکردگی کا مظاہرہ کیا ہے۔ ہندوستانی ٹیم کے کھلاڑی سب سے زیادہ وکٹ لینے اور سب سے زیادہ رن بنانے کے معاملے میں کافی پیچھے ہیں۔
