نئی دہلی :انڈین پریمیئرلیگ2026 میں تین میچ ہار چکی ممبئی انڈین کی مشکلات بڑھ سکتی ہیں۔ ٹیم کے سابق کپتان اور اسٹار بلے باز روہت شرما کی انجری کی شدت جانچنے کے لیے اسکین کرایا جائے گا۔ روہت اتوار کو رائل چیلنجرز بنگلور (آر سی بی) کے خلاف 19 رنز بنانے کے بعد ریٹائرڈ ہرٹ ہو گئے تھے اور دوبارہ بیٹنگ کے لیے میدان میں نہیں آئے۔رپورٹ کے مطابق روہت شرما اپنی ہیم اسٹرنگ انجری کی شدت معلوم کرنے کے لیے اسکین کروائیں گے۔ 16 اپریل کو پنجاب کنگز کے خلاف ممبئی انڈینز کے اگلے میچ میں ان کی دستیابی اسکین رپورٹ پر منحصر ہوگی۔
38 سالہ روہت آر سی بی کے خلاف اننگز کے چھٹے اوور میں ریٹائرڈ ہرٹ ہو گئے تھے۔ انہوں نے 13 گیندوں پر دو چوکے اور ایک چھکے کی مدد سے 19 رنز بنائے تھے۔ پاور پلے کے آخری اوور میں راسخ سلام کی گیند کا سامنا کرنے کے بعد وہ تکلیف میں نظر آئے اور آخرکار میدان چھوڑنا پڑا۔ریٹائرڈ ہرٹ ہونے سے قبل ٹیم کے فزیو نے میدان میں ہی ان کا علاج کیا، لیکن دوسری گیند کھیلنے کے بعد وہ دوبارہ میدان چھوڑ گئے۔ ان کی انجری کی اصل شدت اسکین رپورٹ کے بعد ہی واضح ہو سکے گی۔
میچ کے بعد شیرفین ردرفورڈ نے کہا کہ انہیں ابھی مکمل معلومات نہیں ہیں، تاہم یہ ہیم اسٹرنگ کی معمولی تکلیف ہو سکتی ہے۔روہت شرما نے آئی پی ایل 2026 میں اب تک 4 میچوں میں 137 رنز بنائے ہیں، جس میں ایک نصف سنچری شامل ہے۔ اسی میچ میں انہوں نے ممبئی انڈینز کے لیے کھیلتے ہوئے 6000 رنز بھی مکمل کیے اور اس کارنامے تک پہنچنے والے وراٹ کوہلی کے بعد دوسرے کھلاڑی بن گئے۔روہت شرما گزشتہ 15 برسوں سے ممبئی انڈینز کا حصہ ہیں اور اپنی قیادت میں ٹیم کو 5 آئی پی ایل ٹرافیاں بھی جتوا چکے ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
