جنوبی افریقہ کے سابق عظیم آل راونڈرلانس کلوزنر لکھنؤ سپر جائنٹس کی ٹیم سے وابستہ ہوگئے ہیں۔
IPL 2024 Lucknow Super Giants: انڈین پریمیئرلیگ (آئی پی ایل) کے 17ویں سیزن کا آغاز22 مارچ سے ہونے والا ہے۔ پہلا مقابلہ دفاعی چمپئن چنئی سپرکنگس اورکبھی خطاب نہیں جیتنے والی رائل چیلنجرس بنگلورو کے درمیان چیپاک میں کھیلا جائے گا۔ یہ میچ چنئی میں ہوگا۔ ابھی 22 مارچ سے 7 اپریل تک کا ہی آئی پی ایل شیڈول آیا ہے۔ لوک سبھا الیکشن کی تاریخ کے بعد ہی باقی کا شیڈول آئے گا۔ اس سے پہلے لکھنوسپرجائنٹس کی فرنچائزی مسلسل تبدیلی کررہی ہے۔ اسی ضمن میں ٹیم نے ایک اوربڑی تبدیلی کی ہے۔ جنوبی افریقہ کے ایک سابق کھلاڑی کی انٹری ہوئی ہے۔
لکھنو جائنٹس کی ٹیم نے جہاں جمعرات کو نکولس پورن کواپنا نائب کپتان نامزد کیا تھا۔ وہیں اب جمعہ کی رات ٹیم نے اپنے خیمے میں ایک اورمعاون کوچ کی انٹری کروالی ہے۔ ان کا نام ہے جنوبی افریقہ کے سابق عظیم آل راونڈر لانس کلوزنر۔ کلوزنرٹیم کے چیف کوچ جسٹس لینگراورساتھی معاون کوچ ایس شری رام کے ساتھ مل کام کریں گے۔ لانس کلوزنرکوبطورمعاون کوچ ٹیم میں جگہ ملی ہے۔ اس سے پہلے اس سیزن کے لئے لکھنونے اپنے چیف کوچ اینڈی فلاورکی جگہ جسٹس لینگرکوسائن کیا تھا۔ وہیں گوتم گمبھیربھی اب لکھنوکا ساتھ چھوڑکرکولکاتا نائٹ رائیڈرس کے ساتھ جڑگئے ہیں۔
𝘿𝙪𝙧𝙗𝙖𝙣 𝙨𝙚 𝙖𝙖𝙮𝙖 𝙝𝙪𝙢𝙖𝙧𝙖 𝙙𝙤𝙨𝙩 💙🔥
Lance Klusener joins our coaching staff for the season 🤩 pic.twitter.com/0GWVNFEEnV
— Lucknow Super Giants (@LucknowIPL) March 1, 2024
لکھنؤکی ٹیم آئی پی ایل کا تیسرا سیزن کھیلنے اترے گی۔ گزشتہ دونوں سیزن میں یہ ٹیم پلے آف تک پہنچی ہے، لیکن ایک باربھی فائنل تک نہیں پہنچی اورنہ ہی کپ پرقبضہ کرپائی۔ اس بارٹیم نے مشکل تیاریاں کی ہیں۔ کئی تبدیلیاں کی ہیں۔ کوچ سے مینٹارتک سبھی بدل گئے ہیں۔ یہ ٹیم مضبوط ہے، بس دیکھنا ہوگا کہ کپتان کے ایل راہل کتنا جلدی فٹ ہوجاتے ہیں۔
FIXTURES. ARE. HERE. 🔥
(some of them 😅) pic.twitter.com/3Qw8EFvVEr
— Lucknow Super Giants (@LucknowIPL) February 22, 2024
لکھنؤ سپر جائنٹس کا پورا اسکواڈ
کے ایل راہل (کپتان)، کوئنٹن ڈی کاک، نکولس پورن (نائب کپتان)، آیوش بدونی، کائل میئرس، مارکس اسٹوئنس، دیپک ہڈا، روی بشنوئی، نوین الحق، کنال پانڈیا، یدھ ویرسنگھ، پریرک ماکنڈ، یش ٹھاکر، امت مشرا، شمارجوسف، مینک یادواورمحسن خان، شیوم ماوی، ایم سدھارتھ، ڈیوڈ ولی، ایشٹن ٹرنر، ارشن کلکرنی اورارشد خان۔
بھارت ایکسپریس۔
