دبئی میں جاری ایشیا کپ 2025 کے سپر 4 مرحلے میں بھارت نے ایک بار پھر پاکستان کو شکست دے دی۔ اتوار، 21 ستمبر کو کھیلے گئے اس اہم مقابلے میں بھارت نے پاکستان کے دیے گئے 172 رنز کے ہدف کو صرف 12.4 اوورز میں جارحانہ بیٹنگ کے ذریعے حاصل کر لیا۔
ابھیشیک شرما اور شبمن گل نے اننگز کا دھواں دار آغاز کیا اور صرف 10 اوورز میں 105 رنز کی شراکت قائم کی۔ شبمن گل نے 28 گیندوں پر 47 رنز بنا کر آؤٹ ہوئے، جبکہ ابھیشیک شرما نے 39 گیندوں پر 74 رنز کی شاندار اننگز کھیلی، جس میں 6 چوکے اور 5 چھکے شامل تھے۔
جب 12.4 اوور میں ابھیشیک آؤٹ ہوئے، تب تک بھارت 123 رنز تک پہنچ چکا تھا اور فتح تقریباً یقینی نظر آ رہی تھی۔ اس کے بعد تِلاک ورما اور ہاردک پانڈیا نے اننگز کو سنبھالا اور ٹیم کو کامیابی دلائی۔ تِلاک ورما نے 19 گیندوں پر 30 رنز بنا کر بھارت کو جیت کی دہلیز پار کروائی۔
قابل ذکر بات یہ ہے کہ پچھلے میچ کی طرح اس بار بھی بھارتی کھلاڑیوں نے پاکستان کے کھلاڑیوں سے ہاتھ نہیں ملایا۔
پاکستان کی جانب سے شاہین آفریدی، سائم ایوب، اور حارث رؤف نے ایک ایک وکٹ حاصل کی۔
پاکستان کی بیٹنگ:
اس سے پہلے بھارت کے دعوت پر پاکستان نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 171 رنز بنائے۔ اوپنرز صاحبزادہ فرحان اور فخر زمان نے 2.3 اوور میں 21 رنز جوڑے، جس کے بعد فخر زمان 15 رنز بنا کر آؤٹ ہو گئے۔ فرحان نے 45 گیندوں پر 58 رنز کی عمدہ اننگز کھیلی، جبکہ سائم ایوب نے 17 گیندوں پر 21 رنز بنائے۔
پاکستان نے 115 کے مجموعی اسکور پر اپنا چوتھا وکٹ کھو دیا، جس کے بعد محمد نواز اور کپتان سلمان آغا نے پانچویں وکٹ کے لیے 34 رنز کی شراکت قائم کی اور ٹیم کو ایک بہتر اسکور تک پہنچایا۔
بھارت کی بولنگ:
بھارت کی جانب سے شیوم دوبے نے بہترین بولنگ کا مظاہرہ کرتے ہوئے 2 وکٹیں حاصل کیں، جبکہ کلدیپ یادیو اور ہاردک پانڈیا کے حصے میں ایک ایک وکٹ آئی۔
یہ ایشیا کپ 2025 میں بھارت اور پاکستان کے درمیان دوسرا مقابلہ تھا۔ اس سے قبل 14 ستمبر کو کھیلے گئے میچ میں بھی بھارت نے پاکستان کو 7 وکٹوں سے شکست دی تھی۔
بھار ت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
