ICC Rule For 10 Runs Penalty: انڈیا-اے اورسری لنکا-اے کے درمیان ٹرائی سیریزکا مقابلہ کھیلا جا رہا ہے۔ مقابلے میں ٹیم انڈیا پر10 رنوں کی پنالٹی لگا دی گئی، جسے جان کر فینس حیران رہ گئے۔ سری لنکا-اے کواس کا بڑا فائدہ ملا۔ اب فینس یہ جاننا چاہتے ہیں کہ آخرآئی سی سی کے کس ضابطے کے تحت ہندوستانی ٹیم پریہ جرمانہ لگایا گیا۔ دراصل، اس ضابطے سے کئی لوگ واقف نہیں ہیں، اس لئے سبھی کرکٹ مداح کو یہ جاننا ضروری ہے۔
نویں نمبرپربلے بازی کے لئے اترے وپرج نگم جلدی وکٹ گرجانے کے بعد ٹیم کوباعزت اسکورتک پہنچانے کے لئے جدوجہد کرتے رہے۔ اسی درمیان وپرج سے ایسی غلطی ہوگئی، جس سے سری لنکا کومفت میں 10 رن مل گئے۔ غورکرنے والی بات یہ رہی ہے کہ وپرج نے ایک نہیں، بلکہ دوبارغلطی کی۔ اس کی وجہ سے آئی سی سی کے امپائرنے بڑا فیصلہ کرتے ہوئے ان پر جرمانہ عائد کردیا اورسری لنکا کی ٹیم کو فائدہ ہوگیا۔
وپرج نگم کی غلطی پرہوئی کارروائی
آئی سی سی کے ضابطہ کے مطابق، اگرکوئی بلے بازرن لینے کے دوران پچ کے’پرویکٹیڈ ایریا’ یعنی بالکل بیچ میں دوڑتا ہے، توامپائرپہلی بارمیں انتباہ دیتے ہیں اوردوسری بارمیں پنالٹی یعنی جرمانے کے طورپردوسری ٹیم کو5 رن دیئے جاتے ہیں۔ انڈیا-اے کے بلے بازانوکول رائے کوامپائرکے ذریعہ ‘پرویکٹیڈ ایریا’ میں دوڑنے کے لئے وارننگ مل چکی تھی۔ 35ویں اوورمیں وپرج نے پھریہی غلطی دوہرا دی۔ وپرج جیسے ہی ‘پرویکٹیڈ ایریا’ میں دوڑے، امپائرنے فوراً پنالٹی کے طورپرسری لنکا-اے کو 5 رن دے دیئے۔ 2 اوورکے بعد وپرج نے پھریہی غلطی دوہرا دی۔ 37ویں اوورمیں وپرج ایک بارپھرپچ کے ‘پرویکٹیڈ ایریا’ ایریا میں آئے اورامپائرنے دوبارہ پنالٹی کے طورپرسری لنکا-اے کو5 رن دے دیئے۔
بغیرکسی محنت کے سری لنکا کے کھاتے میں جڑے 10 رن
اس طرح جب سری لنکا دوسری اننگ میں بلے بازی کے لئے میدان پراتری، توٹیم کے کھاتے میں پہلے سے ہی 10 رن موجود تھے۔ سری لنکا نے رنوں کا پیچھا کرتے ہوئے پہلے اوورمیں 4 رن بنائے، لیکن اسکوربورڈ پر14 رن نظرآئے۔ باقی کے 10 رن پنالٹی والے رہے۔ اس طرح ہندوستانی بلے بازکی غلطی نے سری لنکا کو سیدھا سیدھا فائدہ کرا دیا۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
