انڈین کرکٹ ٹیم کے سابق اوپنر گوتم گمبھیر کو نئی ذمہ داری مل گئی ہے۔ وہ ہندوستانی ٹیم کے ہیڈ کوچ بن گئے ہیں۔ انہوں نے راہل ڈراوڈ کی جگہ لی ہے۔ نئے ہیڈ کوچ کے طور پر گمبھیر کی تقرری کا اعلان بورڈ آف کنٹرول فار کرکٹ ان انڈیا یعنی بی سی سی آئی کے سکریٹری جئے شاہ نے کیا ہے۔
It is with immense pleasure that I welcome Mr @GautamGambhir as the new Head Coach of the Indian Cricket Team. Modern-day cricket has evolved rapidly, and Gautam has witnessed this changing landscape up close. Having endured the grind and excelled in various roles throughout his… pic.twitter.com/bvXyP47kqJ
— Jay Shah (@JayShah) July 9, 2024
واضح رہے کہ ٹی 20 ورلڈ کپ 2024 کے بعد ہندوستانی ٹیم کے ہیڈ کوچ راہل ڈراوڈ کی مدت کار ختم ہوگئی ہے۔ ڈراوڈ نے ٹی 20ورلڈ کپ 2021 کے بعد ہیڈ کوچ کا عہدہ سنبھالا تھا۔ حالانکہ ان کی میعاد صرف ون ڈے ورلڈ کپ 2023 تک تھی لیکن بی سی سی آئی نے اسے بڑھا دیا تھا۔اب ان کی اضافی میعاد مکمل ہونے کے بعد نئے کوچ کی تقرری ہوچکی ہے اور گوتم گمبھیر کو یہ بڑی ذمہ داری مل گئی ہے۔
ڈراوڈ کی میعاد ختم ہونے کی خبروں کے ساتھ ہی گوتم گمبھیر کے ہیڈ کوچ بننے کی خبریں بھی سامنے آ رہی تھیں۔ اب جئے شاہ نے اس کی منظوری دے دی ہے۔ اس وقت ہندوستانی ٹیم شبھمن گل کی کپتانی میں زمبابوے کے دورے پر ہے۔ اس کے بعد وہ سری لنکا کے دورے پر جائیں گی۔ جہاں گمبھیر چارج سنبھالیں گے۔
گمبھیر آئی پی ایل 2024 سے پہلے ہی کولکتہ نائٹ رائیڈرزکے مینٹور بن چکے تھے۔ اس کے بعد انہوں نے اپنی سرپرستی میں کے کے آرکی ٹیم کو چیمپئن بھی بنایا۔ گمبھیر ہیڈ کوچ کے عہدے کے لیے درخواست دینے والے واحد امیدوار تھے۔ انہوں نے کوچ کے عہدے کے لیے انٹرویو سے قبل مرکزی وزیر داخلہ امت شاہ سے ملاقات کی تھی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
