ENG vs AFG: چیمپئنز ٹرافی 2025 میں اب تک کے سب سے سنسنی خیز مقابلے میں افغانستان نے انگلینڈ کو شکست دے کر ٹورنامنٹ سے باہر کر دیا۔ ابراہیم زدران (177) کی شاندار سنچری اور عظمت اللہ عمرزئی (41 رنز اور 5 وکٹوں) کی شاندار آل راؤنڈ کارکردگی کی بدولت افغانستان نے آخری اوور تک کھیلے گئے میچ میں سابق عالمی چیمپئن کو صرف 8 رنز کے قریبی مارجن سے شکست دی۔ اس جیت کے ساتھ ہی افغانستان نے سیمی فائنل میں پہنچنے کی اپنی امیدیں زندہ رکھی ہیں۔ ایک بار پھر انگلینڈ کا چیمپئنز ٹرافی جیتنے کا خواب چکنا چور ہو گیا۔ انگلینڈ کو پہلے ہی میچ میں آسٹریلیا کے ہاتھوں شکست کا سامنا کرنا پڑا تھا۔ لگاتار دو شکستوں کے ساتھ جوس بٹلر کی ٹیم سیمی فائنل کی دوڑ سے باہر ہو گئی ہے۔
لاہور کے قذافی اسٹیڈیم میں کھیلے گئے میچ میں دونوں ٹیموں کا آغاز خراب رہا اور پھر دو بلے بازوں کی سنچریوں سے واپسی ہوئی۔ افغانستان کے لیے سب سے پہلے نوجوان اوپنر ابراہیم زدران نے یہ کام کیا۔ زدران نے چیمپئنز ٹرافی میں افغانستان کی جانب سے پہلی سنچری بنائی اور پھر ٹورنامنٹ کی تاریخ کی سب سے بڑی اننگز کھیلتے ہوئے 177 رنز بنائے۔ جواب میں انگلینڈ کے لیجنڈری بلے باز جو روٹ نے ذمہ داری سنبھالی اور تقریباً 6 سال کے انتظار کے بعد ون ڈے کرکٹ میں سنچری بنا کر ٹیم کو دوبارہ فارم میں لایا۔
یہ بھی پڑھیں- ENG vs AFG: افغانستان نے انگلینڈ کو دیا 326 رنز کا ہدف ، ابراہیم زدران نے بنائے 177 رنز
افغانستان کا آغاز خراب رہا اور 9ویں اوور تک ہی ٹیم کی 3 وکٹیں گر چکی تھیں۔ یہ تینوں وکٹیں اسٹار فاسٹ بولر جوفرا آرچر نے لے کر افغانستان کو مشکل میں ڈال دیا۔ لیکن یہاں سے انگلینڈ کی بولنگ کی حالت وہی ہوگئی جو آسٹریلیا کے خلاف ہوئی تھی۔ ابراہیم زدران نے کپتان حشمت اللہ شاہدی اور عظمت اللہ عمرزئی کے ساتھ مل کر ٹیم کو 200 رنز سے آگے بڑھایا۔ یہیں زدران نے ون ڈے کیریئر کی چھٹی سنچری مکمل کی اور پھر محمد نبی کے ساتھ مل کر صرف 55 گیندوں پر 111 رنز کی دھماکہ خیز شراکت قائم کی اور ٹیم کو 325 رنز کے بڑے اسکور تک لے گئے۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
