انگلینڈ کی ٹیم بھلے ہی لارڈز ٹیسٹ میچ جیت گئی ہو،لیکن دو دن بعد ہی انٹرنیشنل کرکٹ کونسل یعنی آئی سی سی نے ٹیم پر بڑا جرمانہ عائد کر دیا ہے۔ یہی نہیں بھارت کے خلاف فتح کے باوجود انگلینڈ کی ٹیم کے کھاتے سے آئی سی سی ورلڈ ٹیسٹ چیمپئن شپ کے پوائنٹس بھی کٹ گئے ہیں۔ آئی سی سی نے سلو اوور ریٹ پر انگلینڈ پر میچ فیس کا 10 فیصد جرمانہ عائد کیا ہے۔ اس کے ساتھ ہی ٹیم کے کھاتے سے دو ڈبلیو ٹی سی پوائنٹس بھی کاٹے گئے ہیں، جس کی وجہ سے ان کی جیت کا تناسب 66.67 پر آگیا ہے اور ٹیم دوسرے سے تیسرے نمبر پر کھسک گئی ہے۔
آئی سی سی ایلیٹ پینل کے میچ ریفری رچی رچرڈسن نے انگلینڈ کی ٹیم کو سلو اوور ریٹ کا قصوروار پایا ہے۔ انگلینڈ نے دو اوورز کی تاخیر کی جس پر آئی سی سی نے پوری ٹیم کو سزا دی ہے۔ آئی سی سی کے کھلاڑیوں اور پلیئر سپورٹ اسٹاف کے ضابطہ اخلاق کے آرٹیکل 2.22 کے مطابق، جو کم از کم اوور ریٹ کے جرائم سے متعلق ہے، مقررہ وقت میں گیند نہ کروانے پر کھلاڑیوں پر میچ فیس کا پانچ فیصد جرمانہ عائد کیا جاتا ہے۔ مقررہ وقت میں دو اوورز نہ کرانے پر انگلینڈ پر 10 فیصد جرمانہ عائد کیا گیا ہے۔
انگلینڈ ٹیم کے کپتان بین اسٹوکس نے جرم تسلیم کرتے ہوئے مجوزہ جرمانہ بھی قبول کرلیا ہے۔ اس لیے باقاعدہ سماعت کی ضرورت نہیں تھی۔ آن فیلڈ امپائر پال ریفل اور شرف الدولہ ابن شاہد، تھرڈ امپائر احسن رضا اور چوتھے امپائر گراہم لائیڈ نے انگلینڈ کے خلاف یہ الزامات عائد کیے تھے۔ میچ ریفری نے ان الزامات کو درست پایا اور انگلینڈ کو سزا دی گئی۔ تین میچوں میں سے دوسرا میچ جیت کر انگلینڈ کے کھاتے میں 66.67 فیصد جیتنے والے پوائنٹس تھے ،لیکن اب یہ کم ہو کر تقریباً 60 فیصد رہ جائیں گے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
