Bharat Express
Bharat Express
  1. Home » اسپورٹس » افغانستان کی ٹیم کرے گی ہندوستان کا دورہ، اس ٹیم کے ساتھ کھیلے گی پہلا ٹسٹ میچ

افغانستان کی ٹیم کرے گی ہندوستان کا دورہ، اس ٹیم کے ساتھ کھیلے گی پہلا ٹسٹ میچ

افغانستان کی ٹیم ستمبرمیں ہندوستان کا دورہ کرسکتی ہے، جہاں پرٹیم واحد ٹسٹ میچ کی میزبانی کرسکتی ہے۔ افغانستان کی ٹیم ہندوستان کے ساتھ نہیں بلکہ دوسری ٹیم کے ساتھ کھیلے گی۔

افغانستان کرکٹ ٹیم۔ (فائل فوٹو)

AFG vs NZ Test Match: جب سے افغانستان پر طالبان کا قبضہ ہے، تب سے ہندوستانی کرکٹ کنٹرول بورڈ (بی سی سی آئی) افغانستان کرکٹ بورڈ کی مدد کرتا آرہا ہے۔ ایسے میں اب افغانستان کی ٹیم نیوزی لینڈ کے ساتھ اپنا پہلا ٹسٹ میچ کھیلنے کے لئے تیارہے۔ افغانستان اپنے گھرپرکوئی دوطرفہ سیریزنہیں کھیلتی ہے، جس کے سبب افغانستان کی ٹیم نیوزی لینڈ کے ساتھ اپنا پہلا ٹسٹ میچ ہندوستان کی سرزمین پرکھیلنے والی ہے۔

گریٹرنوئیڈا میں ہوسکتا ہے یہ میچ

ٹائمس آف انڈیا کی رپورٹ کے مطابق، طالبان کے افغانستان پرقبضے کے بعد سے بی سی سی آئی واحد ایسا کرکٹ بورڈ ہے، جو افغانستان کی مدد کررہا ہے۔ رپورٹس کے مطابق، افغانستان اپنا واحد ٹسٹ میچ گریٹرنوئیڈا کے شہید وجے سنگھ پتھک اسپورٹس کمپلیکس میں کھیل سکتی ہے۔ یہ میچ ستمبرمیں ہونے کا امکان ظاہرکیا جا رہا ہے۔ اس کے بعد نیوزی لینڈ کوٹیم انڈیا کے ساتھ ہندوستان میں ہی تین میچوں کی ٹسٹ سیریزکھیلنی ہے، جس کا انعقاد اکتوبراورنومبر میں ہوسکتا ہے۔

 

بی سی سی آئی نے افغانستان کو دے رکھی ہے ہری جھنڈی

رپورٹس کے مطابق، بی سی سی آئی نے افغانستان کو اپنے میچوں کی میزبانی کرنے کی ہری جھنڈی دے رکھی ہے۔ افغانستان کو جولائی میں ہی بنگلہ دیش کے ساتھ ونڈے اور ٹسٹ سیریز کھیلنی تھی، لیکن یہ سیریز ہو نہیں پائی۔ ابھی تک افغانستان کرکٹ ٹیم نے محض 9 ٹسٹ میچ کھیلے ہیں، جس میں سے ٹیم نے صرف تین میچوں میں جیت اور 6 میچوں میں ہارکا سامنا کیا ہے۔

 بھارت ایکسپریس–

Also Read

تازہ ترین خبریں